Contact Us

SON XƏBƏRLƏR

Ermənistanın qaz boğazı Azərbaycanın əlinə keçə bilər

2021.10.20, 07:36
Ermənistanın qaz boğazı Azərbaycanın əlinə keçə bilər

Gunaz.tv

GünAzTv: Gürcüstan ərazisindən keçən Rusiya-Ermənistan qaz kəmərinin Azərbaycana istismara verilməsi ilə bağlı rəsmi Bakının niyyəti Ermənistanın narahatçılığına səbəb olub. Çünki Ermənistanın əsas qaz tələbatını bu kəmər ödəyir.Dövlət Neft Şirkəti kəmərin nəzarətə götürülməsilə bağlı Gürcüstan Dövlət Qaz Şirkətinə müraciət edib. Şirkətin prezidenti Rövnəq Abdullayev belə deyib. Azərbaycanın bu niyyəti rəsmi İrəvanı təşvişə salıb. Ermənistan mətbuatı xəbər verir ki, bu obyektin Azərbaycana istismara verilməsi ölkənin enerji təhlükəsizliyini ciddi zərbə altında qoyacaq. Gürcüstanın iqtisadçıları isə məsələnin siyasiləşdirilməsinin əleyhinədir. Ekspert qiya xuzaşvili bildirib ki, bu yalnız iqtisadi məsələdir. Rusiya-Ermənistan kəməriinin özəlləşdirilməsi Gürcüstanda da birmənalı qarşılanmıyıb. Layihənin müəllifi deputat Pavel Kublaşvili bəyan edib ki, özəl sektor kəmərin istismarını dövlətdən daha yaxşı həyata keçirəcək. Amma boru xəttinin hələ hansı şirkətin ixtiyarına veriləcəyi qərara alınmayıb. Hökumət ilk illərdə boru xəttinin səhmlərinin 5-10 faizi satışa çıxarıla bilər. Nəzarət paketisə uzun müddət dövlətdə qalmalıdır. Etirazlara baxmayaraq, parlament 4 ay qabaq səs çoxluğu ilə qanun layihəsini ilk oxunuşda qəbul edib. Layüihəyə daha çox səs verənlər prezident Mixeil Saakaşvilinin Vahid Milli Hərəkat Partiyasından olan deputatlar olub. Bir sıra deputatların qənaətincə, kəmərin özəlləşdirilməsi Gürcüstnın enerji layihələrinə təhlükə olmaqla yanaşı, Rusiya və Ermənistana siyasi təzyiq üçün açar ola bilər. Saakaşvili tərəfdarları isə xəttin özəlləşdirilməsinin dövlət üçün heç bir maneə törətməyəcəyini bildibirlər. Rusiyanın «Qazprom» şirkəti də kəməri almağa cəhd göstərib. Amma Birləşmiş Ştatlar administrasiyasının müdaxiləsindən sonra boru xətti strateji obyekt kimi dövlətin nəzarətində qalmışdı. Gürcüstan, ərazisindən Ermənistana daşınan qaza görə Rusiyadan kəmərin potensialının 10 faizini alır. Hazırda Ermənistana yalnız iki mənbədən- bu xətt vasitəsilə Rusiya və İrandan mavi yanacaq idxal edilir. İransa qazı Ermənistanın daxili ehtiyaclarını ödəmək üçün yox, bu ölkədə emal edərək, elektrik enerjisi halında geri qaytarmaq üçün satır. Deməli, Ermənistanın yeganə qaz təminatı yaxında özəlləşdiriləcək Mozdok-Tbilisi-Ermənistan magistral kəmərindən asılıdır.

SEÇİLMİŞ XƏBƏRLƏR

Çox oxunanlar