İran BMT-nin nüfuzlu şurasına üzv ola bilmədi

SON XƏBƏRLƏR

İran BMT-nin nüfuzlu şurasına üzv ola bilmədi

2021.10.20, 07:36

Gunaz.tv

GünAzTv: İranın BMT-nin qadın haqlarını müdafiə edən yeni icraçı şurasına üzvlük üçün irəli sürdüyü namizədlik keçməyib.

İranın namizədliyinin iflasa uğramasına əsas səbəb Amerika Birləşmiş Ştatları, Qərb ölkələri, habelə İranda qadınlarla rəftara etiraz edən insan haqları qruplarının güclü müqaviməti olub.

Yeri gəlmişkən, bu şurada eyni səbəblərə görə tənqid edilmiş Səudiyyə Ərəbistanı yer ala bilib.

İranın namizədliyi irəlicədən təmin olunmuş hesab edilirdi, beləki Tehran 10 yerə 10 namizəd irəli sürmüş Asiya ölkələri qrupunun arasında idi.

Bununla belə Qərb ölkələri və insan haqları qrupları İranın namizədliyinə qarşı güclü lobbiçilik etdilər.

Nəticədə namizədlik yarışına ötən həftə gözlənilmədən qoşulmuş Şərqi Timor İrana asanlıqla üstün gəldi.

Birləşmiş Ştatların BMT-dəki səfiri Süzan Rays Şərqi Timorun yarışa Vaşinqtonun təşəbbüsü ilə qoşulduğu barədə iddiaları təsdiq etməyib, lakin deyib ki, İranın bu şurada yer tutması yeni qurumun başlanğıcı üçün xoşagəlməz əlamət olardı.

Bununla belə, insan haqları təşkilatları tərəfindən eyni səbəblərə görə tənqid olunan Səudiyyə Ərəbistanı barədə isə ABŞ heç bir etiraz ifadə etməyib.

İnsan haqları təşkilatları deyirlər ki, hər iki ölkə özlərinin ayrı-seçkiçiliyə əsaslanan ədliyyə sistemlərinin köməyilə qadınlarla pis rəftar edirlər.

Səudiyyə Ərəbistanı bu şurada əsas donorlardan biri üçün nəzərdə tutulmuş yerə seçilib ki, bu da Human Rights Watch təşkilatının bu yerin əslində satın alındığı barədə iddiasına yol açıb.

Lakin təşkilatın sözçüsü Filip Bolpion deyib ki, İranın son bir ildə qadınları təqib etməsi tərzi bütün digər ölkələri geridə buraxıb.

Yeni şuranın işi barədə bəlli olmayan budur ki, üzv olan ölkələrdə insan haqlarının vəziyyəti bu qurumun fəaliyyətini necə təsirləndirəcək.

Beləki qadınlara aid məsələlər BMT-də bir qayda olaraq siyasiləşdirlir. BBC

GUNAZ.TV

SON XƏBƏRLƏR