İşğalçı ölkə Qarabağ üzərindən İrana uran ötürə bilər

SON XƏBƏRLƏR

İşğalçı ölkə Qarabağ üzərindən İrana uran ötürə bilər

2021.10.20, 07:36

Gunaz.tv

GünAzTv: “Ermənistan nüvə qaçaqmalçılığı məntəqəsi kimi meydana çıxır”- bunu Britaniyanın Daily Telegraph qəzeti yazır.

Bildirilir ki, yüksək səviyyədə zənginləşdirilmiş uran (HEU) qaçaqmalçılarının Gürcüstanda gizli əməliyyat nəticəsində həbs olunduğunu prezident Mixeil Saakaşvili hələ aprel ayında Vaşinqtonda sammitdə demişdi. Ancaq həmin uran əməliyyatının təfərrüatları indi məlum olur.

Qəzetin yazdığına görə, mart ayında erməni milliyyətindən olan iki nəfər - Sumbat Tonoyan adlı biznesmen və Hrant Ohanyan adlı fizik İrəvandan Tiflisə qatarla yüksək səviyyədə zənginləşdirilmiş 18 qram uran keçiriblər. Həmin uran sərhəddən siqaret qutusunda keçirilib. Qutunun içərisi qurğuşun təbəqəsi ilə örtülübmüş. 18 qram uranla təbii ki, bomba düzəltmək mümkün deyil. Bu, alıcıya göstərmək üçün sadəcə nümunə olub.Həmin iki qaçaqmalçı elə bilirmiş ki, alıcı bir ekstremist islamçı qrupdur. İslamçı qrup kimi danışıq aparanlar Gürcüstanın məxfi xidmətinin əməkdaşları olub. Tutulan uranın zənginləşdirmə faizi 89,4 % olub. Bu səviyyədə zəngin uran nüvə bombası düzəltməyə kifayət edir. “Daily Telegraph” yazır ki, bəzi faktlara görə, həmin uran Rusiyanın Novosibirsk şəhərindəki nüvə zavodundan oğurlanıb. İki erməni qaçaqmalçısından tutduğu uranı Gürcüstan Amerikaya testə göndərib. Amerika təsdiqləyib ki, bu uranın zənginləşmə faizi atom bombası düzəltməyə bəs edir. Həmin iki erməni qaçaqmalçısı isə deyib ki, İrəvanda onların təchizatçısı daha çox uran verə biləcəyini bildirirdi. Britaniyanın "Guardian" qəzeti isə yazır ki, uran belə az olanda Amerikanın çox bahalı xüsusi detektorlarını da adlayıb keçə bilir. Cihazlar uranı göstərmir.Ermənistandan olan nüvə qaçaqmalçıları İranda da asanlıqla müştəri tapa bilərdilər. Qeyd edək ki, Azərbaycanın Ermənistanın işğalı altında olan əraziləri çoxdandır beynəlxalq qaçaqmalçılıq marşrutlarından birinə çevrilib. Bu ərazilərdən əsas beynəlxalq narkotrafik marşrutlarından biri keçir. Lakin tamamilə mümkündür ki, həmin ərazilər üzərindən İrana zənginləşdirilmiş uran və digər nüvə materialları da keçirilsin. Çünki Azərbaycanın İranla 132 kilometrlik sərhədi işğal edilmiş ərazilərdən keçir və nəzarətsizdir. Rəsmi Bakı beynəlxalq ictimaiyyətin diqqətini beynəlxalq hüquq baxımından nəzarətsiz zona olan bu ərazilərdən irəli gələn təhdidlərə yönəltməyə çalışır. Yeni musavat

GUNAZ.TV

SON XƏBƏRLƏR