GünAzTv: Dövlət bayrağı günü Azərbaycanın bölgələrində təntənə ilə qeyd edilib. Dövlət bayrağımızın tezliklə işgal altındakı torpaqlarmızda dalğalanması isə azərbaycanlıların ən böyük arzusudur.

Dövlət Bayrağı günü ilə əlaqədar Xızıda keçirilən tədbirdə müstəqil Azərbaycan dövlətinin əsas atributlarından olan üçrəngli bayrağın şanlı tarixindən bəhs olundu. Rayonun Heydər Əliyev prospektindən 2 km məsafədə yüksəkliyə doğru yürüş edən gənclər 120 metr uzunluğunda hazırlanan dövlət bayrağını nümayiş etdirdilər.

**

Üçrəngli bayrağımızın dünyanın hər yerində, beynəlxalq təşkilatlarda dalğalanması hər bir azərbaycanlıya qürür və fərəh hissi yaşadır. Bu fikirlər Dövlət Bayrağı günü ilə münasibəti ilə Qubada təşkil edilən mərasimdə səsləndi. Rayon ictimaiyyəti və incəsənət ustalarının qatıldığı tədbir «Azərbaycan bayrağı” adlı ədəbi-bədii kompozisiya ilə davam etdirilib.

GünAzTv mətbuat mərkəzinin İTV-yə istinadən yaydığı məlumata görə, Dövlət bayrağı günü Zaqatalada da böyük coşqu ilə qeyd olunub. Çıxış edənlər ölkəmizin ərazi bütövlüyü, dövlətçilik və dövlət atributlarının qorunmasının vətəndaşlıq borcu olduğunu vurğulayıblar. Bayraq meydanında keçirilən  mərasimdə N saylı hərbi hissənin əsgərləri və məktəblilər yürüş edib.

Dövlət Bayrağı günü münasibətilə Balakən rayonunun Katex kəndində isə 2 saylı orta məktəbin yeni tədris binasının təməlqoyma mərasimi keçirilib. Bildirilib ki, əlamətdar günə təsadüf edən yeni-220 yerlik tədris ocağı dövlət vəsaiti hesabına inşa ediləcək. 

**

Bu il ilk dəfə milli bayram kimi qeyd olunan 9 noyabr - Azərbaycanın Dövlət Bayrağı Günü münasibətilə Masallıda Bayraq meydanının açılışı olub. Meydanda Azərbaycanın himni, gerbi və xəritəsi əks olunub. Dövlət himninin sədaları altında sütununun hündürlüyü 34,  eni 6, uzunluğu 12 metr olan üçrəngli bayrağı ucaldılıb. Bayram münasibətilə təşkil olunan tədbirdə incəsənət ustalarının ifasında azərbaycançılığı, dövlətçiliyi, vətənpərvərliyi tərənnüm edən mahnılar səslənib. 

**

Dövlət bayrağımızın tezliklə işgal altındakı torpaqlarmızda dalğalanması azərbaycanlıların ən böyük arzusudur. Bayraq günü ilə əlaqədar Qazaxda keçirilən tədbirdə belə deyilib. Rayon ictimaiyyətinin nümayəndələri bu il ilk dəfə qeyd olunan bayramın insanlarda xoş ovqat yaratdığını bildiriblər. Tədbir ulu öndər Heydər Əliyevin həyat və yardıcılığına həsr olunan sənədli filmin nümayişi ilə dvam etdirilib.

***

Dövlət Bayrağı günü münasibəti ilə Naftalanda Bayraq meydanının açılışı olub. Şəhərin giriş hissəsində 3 hektar ərazini əhatə edən meydan torpaq səthindən 15 metr yüksəklikdə yerləşib. Bayramla əlaqədar təşkil edilən mərasim iştirakçıları 65 metr hündürlüyündə göyə ucalan dövlət bayrağımız ona baxan hər kəsdə qürur və fərəh hissi oyatdığını vurğulayıblar. 

*****

Ağstafa mədəniyyət evində  reallaşdırılan bayram tədbirində   7 illik musiqi məktəbinin xor kollektivinin çıxışları iştirakçılarda xoş ovqat yaratdı. 

Natiqlər dövlətçilik tariximizdə əhəmiyyəti ilə seçilən-Dövlət bayrağı gününün təntənəli qeyd olunmasının əhəmiyyətindən bəhs etdilər. 

Bu gün hər kəsin dilindən eyni söz eşidildi. Türkçülük, müasirlik və islam mədəniyyəti və mənəvi dəyərlərinin simvolu olan ucadan –uca  Azərbayjan bayrağını işğal altında olan torpaqlarmızda dalğalanacı günü gözləyirik. O gun isə uzaqda deyil!