GünAzTv: Türkiyə prezidenti Abdullah Gül bildirib ki, «Türkiyə jest edir, amma bir qarşılığını görmürsə, yeni bir jest etməyə ehtiyac qalmır»

Londonda yerləşən Krallıq Beynəlxalq Əlaqələr İnstitutu «Shatham House» düşüncə məkəzinin təsis etdiyi «2010-cu ilin Dövlət Adamı» mükafatını almaq üçün İngiltərəyə səfər edən Türkiyə prezidenti Abdullah Gül BBC-yə verdiyi müsahibəsində Avropa Birliyi ilə yaşanan durğunluğun aşılması üçün kimsənin Türkiyədən Kipr mövzusunda jest gözləməsinə ehtiyac olmadığını bildirib.A.Gül Avropa Birliyi ilə müzakirələrin dalana dirəndiyini xatırladaraq bu vəziyyəti tənqid edib və birlikdən öz vədinə əməl etməsini gözlədiklərini dilə gətirib. O vurğulayıb ki, Türkiyə ilə müzakirə başlıqlarının açılıb-bağlanmasına xüsusilə Kipr tərəfindən maneə törədilsə də, hazırlıqlarını tamamlayaraq başlıqları özü açıb-bağlayac.Bəzi AB üzvlərinin Türkiyənin üzvlüyü mövzusunda referendum keçirəcəklərini xatırladan Gül qeyd edib ki, nəticələrə hörmətlə yanaşacaqlar, amma eyni mövzuda türk xalqının da deyəcəyi bir sözü var - bəlkə də zamanı gələndə türklər «islahatları apardıq, standartlarımızı AB səviyyəsinə yüksəltdik, bu bizim üçün yetərlidir» deyərək birliyə üzv olmağa ehtiyac duymayacaqlar.Abdullah Gül müzakirələrin dalandan çıxarılması üçün Türkiyədən jest gözlənilməməsi lazım olduğunu ifadə edib: «Mən bu işi bilirəm. Hər gələn Türkiyə bir jest etsin deyir. Türkiyə jest edir, amma əgər jestlərimizin bir qarşılığını görmürsünüzsə, yeni bir jest etməyə ehtiyac qalmır. Türkiyənin yeni bir jest edəcək halı yoxdur. Ən böyük jest 2004-cü ildə o zamankı Annan və AB planına Türkiyənin «hə» deməsi olmuşdu. Bu plan daha sonra referenduma çıxarıldı. Kipr türkləri bu referendumu dəstəkləyərək ən böyük jesti göstərdilər, amma qarşılığında heç bir şey almadılar».GünAzTv mətbuat mərkəzinin “Bizim yol”-a istinadən yaydığı məlumata görə, Gül xarici işlər naziri olduğu vaxtlarda - 24 yanvar 2006-cı ildə «Adada bütün embarqoların qaldırılması» çağırışı etdiyini xatırladaraq «buna da «yox» dedilər» deyə bildirib.Türkiyənin arxasını qərbə, üzünü də şərqə döndərdiyi barədə tənqidləri qiymətləndirən Gül deyib: «Bundan Türkiyəyə bir təzyiq ünsürü olaraq istifadə edilmək istəyirlər. Türkiyə AB ilə inteqrasiya olunmaq üçün hüququnu, konstitusiyasını dəyişdirib bütün standartlarını yüksəltdiyi halda, bu tip sualların soruşulması bizdə şübhə yaradır».İranın Türkiyənin qonşusu olduğunu və iki ölkə arasında ticarət və mədəni əlaqələri təşviq etməyə davam edəcəklərini bildirən Gül sanksiyaların hər hansı bir fayda gətirmədiyini və İranın nüvə proqramı mövzusunda dinc həll yolunun tapılmasına ehtiyac olduğunu vurğulayıb. O həmçinin İranın daha şəffaf olmasının da lazım olduğunu dilə gətirib.Türkiyə aprel ayında BMT Təhlükəsizlik Şurasında keçirilən səsvermədə Braziliya ilə birlikdə İrana qarşı sanksiya tətbiq olunmasına qarşı səs vermiş, bu qərar Tahrana sanksiyalar üçün gərgin səylər göstərən Vaşinqtonu məyus etmişdi. Gələn həftə Lissabonda keçiriləcək NATO sammitinin də Türkiyə ilə alyans arasında gərgin müzakirələrə səhnə olacağı gözlənilir. Çünki Türkiyə raket qalxanı layihəsinin öz torpaqlarında qurulmasını qəbul etsə də, hər hansı bir ölkənin adının çəkilməsinə razılıq vermir. ABŞ raket qalxanının İrana qarşı olduğunu açıq bəyan etdiyindən sammitdə məhz bu məsələ ətrafında fikir ayrılıqlarının ortaya çıxacağı istisna deyil. Bununla bağlı olaraq Gül bunları deyib: «NATO müdafiə məqsədli bir qurumdur. NATO üzvlərindən kənarda kimdə ballistik raketlər varsa, bütün onlara qarşı bir müdafiə sistemi inkişaf etdirilir. Bu səbəbdən İranı bu kateqoriyaya daxil etmək yanlışdır. Belə də olmayacaq. Hər hansı bir ölkə hədəfə alınmayacaq. Bunu qəti olaraq qəbul etməyəcəyik».