Marağada məktəb binaları çatışmır

SON XƏBƏRLƏR

Marağada məktəb binaları çatışmır

2021.10.20, 07:36

Gunaz.tv

Güney Azərbaycanın başqa bölgələrində olduğu kimi bu problem yerli əhali və xeyriyyəçilər tərəfindən həll edilir.

Oktyabrın 1-də Şərqi Azərbaycan əyalətinin Çallı və Möhsünabad kəndlərində tikinti xərcləri marağalı xeyriyyəçilər tərəfindən ödənilən iki məktəbin təməlatma mərasimi keçirilib.

Marağa və Əcəbşer şəhərlərinin İran parlamentindəki nümayəndəsi Əli Əlizadə mərasimdə çıxış edərək bölgədə məktəb binalarının çatışmazlığından danışıb.

O, bildirib ki, adı çəkilən kəndlərdə konteyner məktəblərin yerində yeni məktəblərin tikintisini İbrahim Cavadiyan adlı xeyriyyəçi həyata keçirir.

Millət vəkili bildirib ki, hazırda bölgənin 24 kəndində fəaliyyət göstərən konteyner məktəblərin yeni məktəblərlə əvəzlənməsi prosesi başlanılıb və bu məktəblərin tikintisini xeyriyyəçilər öz öhdələrinə götürüblər.

نامناسب بودن راه‌های روستایی مراغه / شهرک صنعتی مراغه به شهر ارواح شباهت دارد | خبرگزاری فارس

Hazırda Marağa mahalında 51 min məktəbli 550 məktəbdə təhsil alır. Bu günə kimi 3 min təhsi işçisinin çalışdığı məktəblərin 100-ü yerli xeyriyyəçilər tərəfindən inşa edilib.

Son illər İran hökuməti bir sıra əyalətlərdə, o cümlədən Güney Azərbaycan əyalətlərində yeni təhsil ocaqlarının tikintisi, köhnə məktəblərin təmiri və bərpası üçün vəsait ayırmır.

Təhsil Nazirliyinin yerli nümayyəndəlikləri nazirliyin təhsil ocaqlarına vəsait ayırmaq gücündə olmadığını deyir, problemin həlli üçün yerli əhalinin ianələri və xeyriyyəçilərin yardımlarının lazim olduğunu bildirirlər.

C.E

GUNAZ.TV

SON XƏBƏRLƏR