İranda parlamentlə hökümət qarşı-qarşıya gəlir

SON XƏBƏRLƏR

İranda parlamentlə hökümət qarşı-qarşıya gəlir

2021.10.20, 07:36

Gunaz.tv

GünAzTv: Millət vəkilləri Mahmud Əhmədinejadın son sözlərini İran inqilabının rəhbəri Ayətullah Xomeyninin sözlərinə zidd və onun təfəkkürününün təkzibi kimi dəyərləndirib.

İran Prezidenti Mahmud Əhmədinejad sentyabrın 17-də “İran” qəzetinə müsahibəsində bildirib ki, “artıq İranda parlament əvvəlki kimi bütün işlərin başında deyil”. Prezidentin bu sözləri İranda bir sıra millət vəkilləri və siyasi xadimlərin tənqidi ilə qarşılanıb. İran Parlamentinin sədri Əli Laricani Əhmədinejadın bu sözlərinin həqiqəti əks etdirmədiyini bildirib. Digər millət vəkilləri isə bu sözləri İran inqilabının rəhbəri Ayətullah Xomeyninin sözlərinə zidd və onun təfəkkürününün təkzibi kimi dəyərləndirib.

İran inqilabının Rəhbəri Ayətullah İmam Xomeyni İnqilabdan sonra məclis öz fəaliyyətinə başlayan zaman bildirmişdi ki, “bütün işlərin başında parlament dayanır”. Əhmədinejadın son fikri isə həm də Xomeyninin sözlərini inkar etmək deməkdir.

İrandakı bir çox siyasi lider prezidentin sözlərini parlamentin gücünü və imkanını zəiflətmək səyləri kimi dəyərləndirib. İran parlamentinin sədri Əli Laricani bu barədə bildirib ki, İran parlamenti xalq tərəfindən seçilir və xalqın hüquqlarını qorumaq məsuliyyətinə və imkanına malikdir. O bildirib ki, parlament hökumətin bütün işlərinə nəzarət etmək hüququna malikdir. Hökumət öz vəzifəsindən və məsuliyyətindən boyun qaçırarsa parlament ona müdaxilə edə bilər. Bu səbəbdən parlament bütün işlərin başında yerləşir.

Son illərdə İran prezidenti ilə parlament arasında problemlər böyüməyə başlayıb. Son aylarda isə bu proses daha da dərinləşib. Əhmədinejadın nazirlər kabinetinin formalaşdırması prosesinə parlamentin iradları, bu ilin büdcəsi ilə bağlı iki qurumun ciddi gərginlikləri, İranın 5 illik inkişaf planının parlamentdə bir çox dəyişikliklərə məruz qalması və hökumətin onu geri istəməsi, İranda subsidiyaların ləğvi ilə bağlı qanun layihəsinin hazırlanmasında hökumətlə parlamentin ciddi fikir ayrılıqları və s. məqamlar parlament ilə hökumət arasında olan ciddi problemləri göstərir. Bəzi məsələlərdə fikir ayrılıqları o qədər böyüyür ki, hətta Ali Dini Rəhbər Ayətullah Əli Xamenei müdaxilə etməli olur.

İran parlamentinin üzvlərinin əksəriyyətini Əhmədinejadın təmsil etdiyi mühafizəkarlar təşkil edir. Eyni cinahdan olan hökumət və parlament arasında fikir ayrılıqlarının belə genişlənməsi isə öz növbəsində mühafizəkar cinahın daxilindəki mənzərənin də göstəricisidir. Araztm

GUNAZ.TV

SON XƏBƏRLƏR