Ermənistanda müxalifət mitinq keçirib

SON XƏBƏRLƏR

Ermənistanda müxalifət mitinq keçirib

2021.10.20, 07:36

Gunaz.tv

GünAzTv: Mitinqdə çıxış edən Ter-Petrosyan hakimiyyəti Qarabağ məsələsində güzəşt mövqeyi tutmağa, ordudakı acınacaqlı duruma və korrupsiyaya görə tənqid edib.

Sentyabrın 17-də axşam Ermənistanda eks-prezident Levon Ter-Petrosyanın başçılıq etdiyi müxalifət hərəkatı izdihamlı mitinq keçirib. Hakimiyyət aksiyanın şəhərin mərkəzində keçirilməsinə mane olmasa da bölgələrdən qatılmaq istəyənləri əngəlləyib, İrəvana gələn yollar bağlanıb və aksiyanın izdihamlı alınmaması üçün tədbirlər görülüb. Lakin Ermənistan müxalifətinin son bir neçə ayda təşkil etdiyi birinci aksiya izdihamlı olub. Təşkilatçılar mitinqdə on minlərlə adamın iştirak etdiyini xəbər verir. Mitinqdə çıxış edən Ter-Petrosyan hakimiyyəti Qarabağ məsələsində güzəşt mövqeyi tutmağa, ordudakı acınacaqlı duruma və korrupsiyaya görə tənqid edib.

Ter-Petrosyan deyib ki, prezident Serj Sərkisyan hakimiyyətə gəlmək üçün Qərbə Qarabağ məsələsində güzəşt mövqeyi tutacağı və Türkiyə ilə münasibətləri normallaşdıracağı barədə öhdəlik götürmüşdü. Bu səbəbdən ABŞ başda olmaqla Qərb dövlətləri Ermənistandakı dağıdıcı korrupsiyaya, insan haqlarının pozulmasına baxmayaraq Sərkisyanın hakimiyyətinə 2 il yarım dəstək verib. Ancaq Sərkisyan öz öhdəliklərini yerinə yetirə bilmədiyi üçün indi ona ayrılmış limit tükənmək üzrədir. Ter-Petrosyan deyib ki, çox keçmədən Sərkisyana hakimiyyəti ələ keçirmək üçün dəstək verənlər öhdəliklərini yerinə yetirmədiyi üçün ona qarşı təzyiqlərə keçəcəklər. Müxalifət lideri bildirib ki, Ermənistanla bağlı hesabatlarda ABŞ Dövlət Departamenti Sərkisyanın hakimiyyətinin legitim olmadığına işarə vurub, ölkədə korrupsiyanın baş alıb getdiyini göstərib.Ter-Petrosyan Qarabağ məsələsinin bu gün Qərbi az maraqlandırdığını, bu münaqişənin açarının Rusiyanın əlində olduğunu deyib. Onun fikrincə, Rusiyanın Azərbaycan və Türkiyə ilə olan münasibətləri göstərir ki, Moskva Qarabağ məsələsində Ankara ilə uzlaşdırılmış siyasət aparır: “Ona görə də Sərkisyanın ümidi ancaq taleyin iradəsinə boyun əyməyə, öz xoşbəxtliyini Moskvada və ya Ankarada, konkret olaraq isə rus-türk-Azərbaycan yüksək məqamlarında axtarmağa qalır”.Ter-Petrosyan Ermənistan ordusunda hökm sürən özbaşınalıqlardan, əsgərlərin təhqir edilməsindən və öldürülməsindən də bəhs edib. O deyib ki, müxalifət indiki qeyri-legitim hakimiyyətin Qarabağa dair heç bir qərarını tanımayacaq. Müxalifət lideri Qarabağa dair əldə olunacaq hər hansı anlaşmanın Ermənistanda keçiriləcək referenduma çıxarılmalı olduğunu da deyib. Yeni musavat

GUNAZ.TV

SON XƏBƏRLƏR