GünAzTv: Tanınmış ekspert Elxan Şahinoğlu deyir ki, Tehran sözdə Azərbaycanı, əməldə isə Ermənistanı dəstəkləyir.

Ermənistanın xarici işlər naziri Eduard Nalbandiyan iki günlük səfər məqsədi ilə getdiyi İranda bir çox görüşlər keçirib. Tehranda son dərəcə isti qarşılanan Nalbandiya 16 sentyabrda İranın prezidenti Mahmud Əhmədinejatla da görüşüb. Ermənistan prezidenti Serj Sərkisyanın Nalbandiyan vasitəsi ilə göndərdiyi məktubu Əhmədinejata çatrıdan XİN başçısı orada nələrdən bəhs olunduğu barədə heç bir məlumat verməyib. İran prezidenti ilə keçirilən görüşdə iki ölkə arasındakı tarixi bağlardan danışan Nalbandiyan bütün sahələrdə əlaqələrin inkişaf etməsinə tərəfdar olduqlarını deyib: «Bölgə xalqları öz problemlərini kənardan müdaxilə olmadan da həll edə bilərlər». Qeyd edək ki, Eduard Nalbandiyan bu görüşdən bir gün əvvəl iranlı məsləkdaşı Mənüçöhür Möttəki ilə də bir araya gəlmişdi. Görüşdən sonra jurnalistlərin suallarını cavablandıran Möttəki iki ölkə arasındakı əlaqələrdən məmnun qaldıqlarını, Nalbandiyanla birgə layihəlri müzakirə etdklərini dilə gətirib. İranla Ermənistan arasında azad ticarət zonasının yaradılimasına tərəfdar olduqlarını bildirən Möttəki hər sahədə əlaqələri ən yüksək səviyyəyə çıxarmaq üçün fəaliyyət göstərildiyini vurğulayıb. Möttəki siyasi, iqtisadi və regional məsələloərin də müzakirə edilməsi məqsədi ilə iki ölkənin nazirlərinin davamlı olaraq görüşərək, fikir mübadiləsi apardığını da söyləyib. İranlı nazir ölkəsi ilə Ermənistan arasında regional və beynəlxalq problemlərə eyni baxış sərgilədiklərini də bildirib. Mətbuat konfransında əlaqələri sıx şəkildə gündəmə gətirən Nalbandiya buna rəğmən Tehranın təklif etməsinə baxmayaraq, İran vətəndaşlarına vizanın qaldırılmasının gələcəkdə müzakirə edilə biləcəyini deyib. Verilən məlumatlar arasında XİN baçşaçılarının Datlıq Qarabağ münaqişəsinin həlli ilə bağlı da fikir mübadiləsi apardıqlarına dair bilgilər var. Tanınmış ekspert Elxan Şahinoğlu deyir ki, Tehranla İrəvan arasındakı isti münasibətlər davam etməkdədir. Onun sözlərinə görə, buna rəğmən iki məsələdə eyni fikrə sahib deyillər. «Onlardan biri viza məsələsidir. Ermənistan İran vətəndaşlarına tətbiq etdiyi vizanı qaldırmaqdan çəkinir. Dağlıq Qarabağ məsələsində isə Möttəki aprel ayında bəyanatla çıxış edərək, münaqişənin həlli yollarının müzakirə edilməsi məqsədiylə İran, Azərbaycan və Ermənistan XİN başçılarının olduğu birgə görüş keçirilməsinə dair təklif irəli sürmüşdü. Bakı bu təklifə qarşı çıxmasa da, İrəvan Tehranın təklifinə müsbət yanaşmamışdı. Məsələ ilə bağlı Ermənistan XİN-in yaydığı açıqlamada İranın cəhdləri müsbət dəyərləndirilsə də, ATƏT-in Minsk Qrupunun Dağlıq Qarabağ münaqişəsinin həlli ilə maraqlandığı və İrəvanın bu formatı dəyişdirmək istəmədiyini vurğulamışdı. Buna görə də, Ermənistandakı bəzi siyasi çevrələr və siyasi ekspertlər Ermənistan-İran əlaqələrinin əvvəlki illərdə olduğu kimi, davam etmədiyi qənaətinə gəlmişdilər». Qeyd edək ki, erməni «Jamanak» qəzeti son sayında Ermənistan-İran əlaqələri məsələsində «İran Ermənistanın nəyinə lazımdır?» başlıqlı məqalə ilə çıxış edib. Qəzetdə Serj Sərkisyanın prezident seçilməsindən sonra Ermənistanın İranla əlaqələri arxa plana keçdiyi yazılıb. İranın Rusiya və Qərb qədər Ermənistanın daxili işlərinə qarışmadığını yazan qəzet Tehranın buna rəğmən sözügedən prosesdən tam uzaqlaşmadığını qeyd edib: «Tehran Ermənistanın indiki hakimiyyətini ciddi tərəfdaş kimi görmür. İran keçmiş prezident Robert Köçəryana daha çox diqqət yetirir. Türkiyə-Ermənistan əlaqələrinin gərginləşdiyi dövrdə Tehran Köçəryanla dialoq qurmuşdu. Digər tərəfdən də Ermənistanın indiki hakimiyyəti iqtidarı gücləndirmək üçün İrana güvənmir». Elxan Şahinoğlu bu məsələ ilə bağlı deyir ki, bu cür dəyərləndirmələrə rəğmən İran Cənubi Qafqaz ölkələri ilə müqayisədə Ermənistanla əlaqələrə daha artıq diqqət yetirir. «İran başda BMT və İKT olmaq üzrə beynəlxalq qurumlarda qonşu və qardaş dövlət adlandırdığı Azərbaycanın ərazi bütövlüyünü təsdiq edən qərarlara səs versə də, həqiqi mənada Ermənistanın yanında yer alıb. Tehran sözdə Azərbaycanı, əməldə isə Ermənistanı dəstəkləyir. Bunun bir misalı olaraq, taxıl məsələsini göstərə bilərik. Rusiya bu il quraqlıq və yanğın səbəbindən üçüncü ölkələrə və Ermənistana taxıl ixracını dayandırığını bəyan etdiyi halda, İran Ermənistana taxıl ixrac etməyə razılıq verib»./Tia.Az/