Contact Us

SON XƏBƏRLƏR

Fələstin rəhbərliyindən Xamneyiyə sərt cavab

2021.10.20, 07:36
Fələstin rəhbərliyindən Xamneyiyə sərt cavab

Gunaz.tv

GünAzTv: Fələstin Muxtariyyətinin rəhbəri Mahmud Abbasın başçılıq etdiyi Fələstin Azadlıq Hərəkatı (“Fəth”) İran İslam Respublikasının dini rəhbəri ayətullah Əli Xamneyinin Fələstinlə bağlı son bəyanatına kəskin cavab qaytarıb.

 

Ramazan bayramı münasibətilə çıxış edərkən ayətullah Xamneyi fələstinlilərin İsraillə birbaşa apardığı sülh danışıqlarını pisləmiş, Fələstin Muxtariyyətini “İsrailin cinayətlərini” ört-basdır etməkdə günahlandırmışdı.

“Əşşərqül-osət” qəzetində Fələstin Azadlıq Hərəkatının dərc etdirdiyi bəyanatda ayətullah Xamneyinin son çıxışı “Fələstin xalqı və rəhbərliyinin mübarizəsi üstündə ucuz mərcləşmə, fələstinlilərin daxili işlərinə açıq-aşkar müdaxilə və öz müqəddəratını təyin etmək istəyən Fələstin xalqının siyasi iradəsinə təcavüz” kimi qiymətləndirilib.

Bəyanatda deyilir: “Bu sözlər İrandakı hakimiyyətin və onun rəhbərliyinin əsl hədəfini - Fələstin məsələsini və Fələstin xalqının apardığı mübarizəni öz maraq və tamahkarlığı xeyrinə mənimsəmək istəyini göstərir.

Milliyyətindən, dinindən və əqidəsindən asılı olmayaraq qardaş və dost İran xalqını əzib tapdalayan Xamneyi-Əhmədinejad sisteminin hədəfi hamıya bəllidir. Bu hədəf fələstinlilər arasındakı ixtilaf və uçurumu dərinləşdirmək, ərəb xalqını param-parça edib şaxələrə bölmək və onları öz xeyrinə vətəndaş müharibəsi girdabına doğru sürükləməkdən ibarətdir.

Biz bundan əvvəl İran prezidenti Mahmud Əhmədinejadın da buna bənzər sözlərinə cavab vermək istəmirdik. Çünki o, hakimiyyəti qəsb edən, İran xalqını təmsil etməyən qanunsuz bir prezidentdir. Lakin indi Xamneyi bu barədə çıxış edir və onun Fələstin xalqının daxili işlərinə rüsvayçı şəkildə qarışmasının qarşısını tam şəkildə almaq lazımdır.

Fələstinin azadlığı uğrunda əlli ildir mübarizə aparan və bu yolda minlərlə şəhid verən Fələstin xalqının nə Xamneyinin, nə də başqalarının qəyyumluğuna ehtiyacı var. Bu xalq milli məsələlərə dair qərar qəbul edəndə başqalarının müdaxiləsinə icazə vermir, verməyəcək. Fələstin xalqının qanuni yolla seçilmiş öz rəhbəri var. Bu rəhbərlik illərlə aparılan mili mübarizəyə söykənən rəhbərlikdir və qanunsuz yollarla qəsb edilən rəhbərlik deyil”. Media forum

SEÇİLMİŞ XƏBƏRLƏR

Çox oxunanlar