Contact Us

SON XƏBƏRLƏR

SEPAH rəhbərliyində qarşıdurma dərinləşir

2021.10.25, 10:27
SEPAH rəhbərliyində qarşıdurma dərinləşir

Gunaz.tv

Qeyd edək ki, oktyabrın 23-ündə İranın daxili işlər naziri Əhməd Vəhidinin iştirakı ilə Təbrizdə keçirilən mərasimdə Şərqi Azərbaycanın valisi döyülüb.

Şərqi Azərbaycan əyalətinə yeni təyin olunan vali Zeynəlabdin Rəzəvi Xurrəmi döyən Əyyub (Cəfər) Əlizadə də SEPAH komandiridir.

Mərasim bitdikdən sonra mətbuat nümayəndələrinə açıqlama verən yeni vali və başqa rəsmilərin iddialarından fərqli olaraq insidentin səbəbi başqadır.

Valiyə hücum edən şəxsin və digər SEPAH komandirlərinin açıqlamaları göstərir ki, insident İran İslam İnqilabı Keşikçiləri Korpusunun rəhbərliyində yaranan qarşıdurma və ixtilafların nəticəsidir.

Valini döyən polkovnik Əyyub Əlizadə yayınladığı yazılı açıqlamada etdiyi əməldən peşman olmadığını bildirib, valini munafiq, sistemə qarşı gedən xain adlandırıb.

“Ümid edirəm ki, məni məhkəməyə verərlər və bu vasitə ilə mənə sənəd və faktlarla Zeynəlabdin Rəzəvi Xurrəmin şəhidlərin qanına və rəhbərliyə qarşı xəyanətini sübut etmək imkanı yaranar”-deyə, o, bildirib.

Açıqlamada Əlizadə yeni valini korrupsiyada, oğurluqda, dövlətin və xalqın sərvətini talamaqda günahlandırıb. Bildirib ki, vali oğurladığı pullarla  özü və həyat yoldaşının adına İstanbul və Ankarada luks evlər, əmlaklar alıb.

Ə. Əlizadə valinin onun bütün bunlara görə cavab verməsini tələb edib.

حاشیه‌‌های مراسم معارفه استاندار آذربایجان شرقی/ استاندار جدید سیلی خورد+فیلم

O, eyni zamanda SEPAH komandirlərindən olan yeni valini əxlaqsızlıqda ittiham edib.

Bundan öncə bir neçə qadının onunla bağlı məhkəməyə müraciət etdiyini qeyd edib.

Məsələ ilə bağlı səsli açıqlama yayan başqa bir SEPAH polkovniki Seyid Cavad Məhəmmədi isə mövzunun şişirdilməsini düzgün saymayıb. O, bunu “düşmən dəyirmanına su tökmək" adlandırıb.

Cavad Məhəmmədi bildirib ki, bundan öncə SEPAH-ın Şərqi Azərbaycandakı “Aşura” briqadasına yeni vali ilə birgə fəaliyyətlərində problemlər yarandığı üçün bölmədən ayrılması barədə müraciət etdiyini bildirib.

Cavadi SEPAH-da olan ixtilafların mətbuata çıxması və ictimailəşdirilməsini yolverilməz adlandırıb.

Qeyd edək ki, bundan öncə də oxşar insidentlər baş verib.

Tehran rəsmiləri SEPAH-da olan ixtilafları təkzib etməyə çalışırlar.

Buna baxmayaraq SEPAH-ın yüksək rütbəli komandirləri arasında olan qarşıdurmalar mətbuata sızıb.

C.E    
 

 

Açıklama yok.

Polkovnik Əyyub(Cəfər) Əlizadə

 

 

Açıklama yok.

Seyid Cavad Məhəmmədi

Açar Sözlər :

SEÇİLMİŞ XƏBƏRLƏR

Çox oxunanlar