GünAzTv: İmamoli Rəhmon bildirir ki, "Müsəlman dövlətlərinin mədrəsələrində təhsil alan övladlarızı geri qaytarın, onların çoxu mollalıq öyrənmir, əksinə terrorçu və ya ekstremist olurlar"."Onların hamısını qaytarmaq lazımdır, yoxsa hamısı satqın və vətən xaini olacaq"İran hakimiyyəti Tacikistana farsdilli ölkə kimi yanaşdığından rəsmi Düşənbə hələlik bundan faydalanır. Ötən ay İranda farsdillilərin zirvə toplantısı keçirilib. O zaman İran prezidenti Mahmud Əhmədinejad Tacikistan prezidenti İmaməli Rəhmon və Əfqanıstanın dövlət başçısı Həmid Karzai anti-NATO birliyi yaratmaq üçün dilə tutsa da, cəhdi uğursuz olub. "Ferqane.ru"nun məlumatında bildirilir ki, Tacikistan hakimiyyəti İranda oxumağa gedən tələbələri Tehrana buraxmayıb. Mənbə 30 tacik tələbənin Düşənbə-Tehran hava reysinə minməsinə icazə verilmədiyini bildirib: "Bu gənclər qeydiyyat keçmişdilər. Artıq təyyarənin salonunda idilər. Ancaq xüsusi xidmət orqanlarının əməkdaşları onlardan təyyarəni tərk etmələrini xahiş etdi". İranın Düşənbədəki səfirliyi də xəbəri təsdiqləyib. Məlumata görə, 30 Tacikistan vətəndaşı iranşünslıq, fars dili və ədəbiyyatı üzrə iki həftəlik təhsil kursu üçün Tehrana gedirmiş. Səfirlikdən bildiriblər ki, hakimiyyət bu səfərin Tacikistanın Təhsil Nazirliyilə razılaşdırılmadığını iddia edir. Tehranın Düşənbədəki səfirliyindən bildiriblər: "Əksinə, bu səfərin bütün proqramı Tacikistanın Təhsil Nazirliyinin təmsilçilərilə razılaşdırılıb. Bundan başqa, 15 tələbənin adını nazirlik verib. Qrupun başqa üzvləri isə İranın Tacikistandakı səfirliyinin keçirdiyi çeşidli müsabiqələrin qalibləridir". Olayın da namizədlər arasındakı digər 15 nəfərə görə yarandığı ehtimal edilir. Onların namizədliyini Tacikistan İslam Universiteti irəli sürüb. Yeri gəlmişkən, bir müddət öncə İmaməli Rəhmon ölkə vətəndaşlarına üz tutaraq deyib ki, son 10 ildə xaricdə çeşidli İslam təhsil müəssisələrində oxuyan övladlarını geri çağırsınlar. O, valideynləri müsəlman dövlətlərinin mədrəsələrində təhsil alan övladlarını geri qaytarmağa çağırıb. Tacikistan prezidenti bildirib: "Təəssüf ki, onların çox mollalıq öyrənmir, əksinə terrorçu və ya ekstremist olurlar. Onların hamısını qaytarmaq lazımdır, yoxsa hamısı satqın və vətən xaini olacaq". Məlumata əsasən, İran mədrəsələrində, özəlliklə ölkənin Əfqanıstanla sərhədində yerləşən Sistan-Bəlucistan əyalətinin mərkəzi Zahidanda çoxlu sayda tacik yeniyetmə təhsil alır. Ötən il onlarla belə gənc "viza rejimini pozduğuna" görə İrandan deportasiya edilmişdi. İndiyə qədər İslam Respublikasında təhsil alan Tacikistan vətəndaşlarının dəqiq sayı müəyyənləşməyib. Onlar bir qayda olaraq, İrana turist vizası alır, bir neçə il heç yerə çıxmadan dini təhsil alırlar. "Aziya-plyus"un məlumatına əsasən, Düşənbənin beynəlxalq hava limanında sərnişinlərin təhlükəsizliyi üçün qoruma tədbirləri gücləndirilib. Ölkənin daxili işlər şöbəsinin xətt rəisinin müavini Əziz Xocayev deyib ki, təhlükəsizliklə bağlı tədbirlər Tacikistandakı vəziyyətin mürəkkəbliyi ilə əlaqədardır: "Respublika ərazisində baş vermiş partlayış rahatsızlıq yaradıb. Bundan başqa, həbsxanadan qaçan məhbusların çoxu hələ tutulmayıb". Təhlükəsizlik tədbirləri ölkənin Gülab və Xocənd şəhərlərinin hava limanların da gücləndirilib. Xatırladaq ki, bu yaxınlarda Tacikistanda partlayış baş vermiş, onun ardınca bir qrup məhbus həbsxanadan qaçmışdı. Xalq cəbhəsi