Contact Us

SON XƏBƏRLƏR

Ramazan bayramınız mübarək!

2021.10.20, 07:36
Ramazan bayramınız mübarək!

Gunaz.tv

GünAzTv: Prezident İlham Əliyev Ramazan bayramı münasibətilə Azərbaycan xalqını təbrik edib.    Təbrikdə bildirilir ki, Müqəddəs kitabımız Qurani-Kərimin nazil olduğu mübarək Ramazan ayında müsəlmanlar Allah və din qarşısında öz vicdani borclarını daha dolğun yerinə yetirmək fürsəti əldə edir, xeyirxah əməllərin, şəfqət və mərhəmət duyğularının fərəhini, mənəvi-ruhi kamilliyin nəfs üzərində qələbəsinin sevincini yaşayırlar":İslam dünyasının ayrılmaz hissəsi olan Azərbaycanda milli və dini mərasimlər, o cümlədən Ramazan bayramı hər il təntənə ilə qeyd edilir. Orucluğun sınaqlarından alnıaçıq çıxan mömin vətəndaşlarımız Ramazan günlərini qürur hissi ilə yola salır, bayram sevincini məmnunluqla bölüşürlər. Ölkəmizin hər yerində xalqımızın əmin-amanlığı üçün diləklər edilir, şəhidlərimizin ölməz xatirəsi ehtiramla yad olunur. Bu əziz bayram günlərində bütün xeyirxah niyyətlərlə həmrəy olduğumu bildirir, dualarınızın Tanrı dərgahında qəbul olunmasını arzu edirəm".    Təbrikdə bildirilir ki, qəlbləri ilahi hikmətlə nurlandıran Ramazan bayramı insanları sülhə, əmin-amanlığa və həmrəyliyə dəvət edir, cəmiyyətimizdə nəcib əməllərin və savab işlərin təntənəsinə yol açır: "Bu mübarək bayram münasibətilə hər birinizi və ölkəmizin hüdudlarından kənarda yaşayan bütün soydaşlarımızı ürəkdən təbrik edir, ailələrinizə xoşbəxtlik, firavanlıq, süfrələrinizə xeyir-bərəkət arzulayıram. Allah orucunuzu qəbul etsin!"    Şəhid ailəsi üçün    Prezident təqaüdü artırıldı    Ramazan bayramı ərəfəsində dövlət başçısı "Şəhid ailəsi üçün Azərbaycan Respublikası Prezidentinin təqaüdü"nün artırılması haqqında fərman imzalayıb.    Şəhid ailəsi üçün Azərbaycan Respublikası Prezidentinin təqaüdünün aylıq məbləği 50% artırılaraq 150 manat məbləğində müəyyən edilib. Fərman sentyabrın 1-dən qüvvəyə minir.    Prezident həmçinin məcburi köçkünlərin sosial müdafiəsini gücləndirmək məqsədi ilə sərəncam imzalayıb. Sərəncama əsasən, məcburi köçkünlərə adambaşına yemək xərci üçün verilən aylıq müavinətin məbləği 2010-cu il sentyabrın 1-dən artırılaraq 15 manat müəyyən edilib.

SEÇİLMİŞ XƏBƏRLƏR

Çox oxunanlar