Contact Us

SON XƏBƏRLƏR

Şərqi Azərbaycanın neft və qaz ehtiyatları araşdırılır

2021.11.19, 13:38
Şərqi Azərbaycanın neft və qaz ehtiyatları araşdırılır

Gunaz.tv

Bu barədə İranın şimal-qərbində neft və qaz kəşfiyyatı tədqiqatları üzrə tədqiqat layihəsinin icraçısı Rza Fəlahət açıqlama verib.

Rza Fəlahət ölkənin şimal-qərbində yerləşən əyalətlərdə neft və qaz kəşfiyyatının ilkin tədqiqatlarının başlamasından danışıb.

"Tədqiqatların birinci mərhələsinin nəticələri göstərdi ki, Şərqi Azərbaycanda ən azı iki regionda neft və qaz kəşfiyyatı potensialı var. Bu layihənin təkmilləşdirilməsi sonrakı mərhələlərdə tədqiqatların həyata keçirilməsini tələb edir”-deyə, Rza Fəlahət “İrna" Xəbər Agentliyinə verdiyi müsahibədə bildirib.

O, deyib ki, tədqiqatların nəticələrinin Bostanabad-Sarab və Miyana-Zəngan bölgələrində layların dərinliyi, qalınlığı və genişlənməsi neft və qaz ehtiyatlarının mümkün əmələ gəlməsi üçün əlverişlidir və bu iki bölgədə karbohidrogenlərin yığılması üçün əlverişli geoloji quruluşlar da mövcuddur.

“Ölkənin şimal-qərb bölgəsində müəyyən edilmiş 5 nöqtədə kəşfiyyat tədqiqatları və yerdən nümunə götürülməsindən sonra Şərqi Azərbaycan əyaləti neft və qaz ehtiyatları sahəsində ən potensial əyalət kimi olaraq müəyyən edilib”-deyə, Rza Fəlahət qeyd edib.

İranın şimal-qərbində neft və qaz kəşfiyyatı tədqiqatları üzrə tədqiqat layihəsinin icraçısının sözlərinə görə, tədqiqatlar ilkin mərhələdədir və növbəti mərhələlərdə Şərqi Azərbaycanın iki bölgəsində neft-qaz ehtiyatlarının mövcudluğu ehtimalı dahada artacaq.

Qeyd edək ki, bir neçə ay bundan öncə Təbrizin Səhənd Texnologiya Universitetinin elmi araşdırmaları mərkəzi Sarab bölgəsində neft və qaz yataqlarının mövcudluğu barədə xəbər yayaraq, ilkin kəşfiyyat işlərinə başlanıldığını bildirmişdi.

Bununla yanaşı Ərdəbil əyalətinin Muğan bölgəsində Cəfərabad kəndi ərazisində də 10 il sürən tədqiqatdan sonra neft və qaz ehtiyatlarının olduğu bildirilir və hazırda burada qazma işləri aparılır.
İran Milli Neft Şirkəti burada 4 milyard bareldən çox yüngül xam neftin olmasını iddia edib.

C.E
 

وجود ذخایر نفت و گاز در آذربایجان‌شرقی محتمل است - ایرنا

Rza Fəlahət

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar