Əbülfəzl Qədyani: “İsfahanda baş verən faciənin əsas səbəbkarı Xamneyidir”

SON XƏBƏRLƏR

Əbülfəzl Qədyani: “İsfahanda baş verən faciənin əsas səbəbkarı Xamneyidir”

2021.11.30, 10:34

Gunaz.tv

Yaydığı bəyanatda İrandakı molla rejimini “xalqa və insanlığa zidd zorakı və repressiv dini istibdad sistemi” adlandıran Qədyani deyib ki, İran lideri Əli Xamneyi və onun qəddar qüvvələri nə qədər çalışsalar da, İsfahanın susuzluqdan əziyyət çəkən məzlum və yoxsul əkinçilərinin etiraz alovunu həmişəlik söndürə bilməyəcək.

“Avtoritar rejim yaxşı bilir ki, etiraz alovunu söndürmək mümkün deyil”, -deyə Əbülfəzl Qədyani bildirib.

O həmçinin Əli Xamneyinin vaxtilə saxta yollarla ölkə rəhbərliyinə gətirilməsinə eyham vuraraq, onun din adı altında indiki hakimiyyətini qanunsuz, qeyri-legitim və qəsbkar adlandıraraq, onun ölkə həyatının bütün sahələrində bir-birinin ardınca baş verən dəhşətli faciələrin əsas günahkar və səbəbkarı olduğunu vurğulayıb.

“İsfahanda baş verən faciənin əsas səbəbkarı məhz Xamneyidir. Həmçinin bu gün ölkənin ətraf mühitində baş verən böhranlar Əli Xamneyinin səriştəsiz siyasətinin və onun ölkəni səhv idarəetmə sisteminin nəticəsidir.

Xamneyinin ölkəyə hakim etdiyi idarəetmə sistemi isə demək olar ki, əsl dağıdıcılıq, təxribat, viran qoyma, xarabalığa çevirmə, qarət və talançılıq idarəetmə sistemidir.

Bundan başqa, bu gün ölkədə yaşanan bütün böhranlar Xamneyinin ölkənin bütün həssas qurumlarına, o cümlədən də parlamentə, hökumətə, İran Məhkəmə Sisteminə, İran silahlı qüvvələrinə və digər bu kimi həssas orqan və qurumlara hegemon kəsilməsi, öz bildiyini başqalarına diktə etməsinin nəticəsidir”, -deyə İranda tanınmış dindar ziyalı, dinin siyasətə və hökumət işinə qarışmasının əleyhinə olan islahat meyilli siyasi fəal Əbülfəzl Qədyani bildirib.

Xatırladaq ki, noyabrın 26-da və sonrakı günlərdə İranın İsfahan şəhərində əkinçilərin susuzluğa görə rejimə qarşı keçirdiyi dinc etirazlarda ən azı 214 nəfər həbs edilib, 3 yaşlı əkinçi başından aldığı polis dəyənəyi nəticəsində həyatını itirib.

Həmçinin repressiv polis, “Bəsic” qüvvələrinin yaxın məsafədən etirazçı fermerlərə açdığı atəş nəticəsində saçma güllələrdən ən azı 30 nəfər gözündən xəsarət alıb, bəziləri isə bir və ya hər iki gözdən kor olublar. İki gözdən kor olanlardan biri isə 15 yaşlı bir yeniyetmədir.

A.M

GUNAZ.TV

SON XƏBƏRLƏR