İran əhalisi Suriyada ölən SEPAH-çılara nifrət edir- “Şəhid arvadı olduğumu deməyə qorxuram"-Qasım Süleymaninin mühafizəçisinin xanımı

SON XƏBƏRLƏR

İran əhalisi Suriyada ölən SEPAH-çılara nifrət edir- “Şəhid arvadı olduğumu deməyə qorxuram"-Qasım Süleymaninin mühafizəçisinin xanımı

2021.11.30, 11:44

Gunaz.tv

Noyabrın 29-da mediaya açıqlamasında ölkə əhalisinin Suriyada həlak olan SEPAH-çılara və onların ailələrinə nifrət etdiyinə eyham vuran Əzəm Qəməri deyib ki, o evdən bayıra çıxanda küçədə şəhid arvadı olduğunu deməkdən çəkinir.

“Elə bir vəziyyət yaranıb ki, mən artıq evdən çöllə çıxanda küçədə şəhid arvadı olduğumu və şəhid ailəsi olduğumuzu deməyə cürət etmirəm.

Əgər kimsə də mənim şəhid arvadı olduğumu öyrənsə deyirəm ki, mən bir hərbçinin xanımıyan, ərim isə sərhəd zonasında həlak olub.

Dəfələrlə olub ki, ərimin Suriya savaşında öldüyünü eşidənlər küçədə qabağımı kəsib deyirlər ki, Suriyanın bizə nə dəxli var axı, niyə qoydun ərin Suriya savaşına getsin.

İnsanların çoxu elə bilir ki, Suriya savaşında döyüşənlərə çoxlu pul verirlər, halbuki belə deyil və onlara verilən pul sadə bir fəhlənin aldığı aylıq maaşı qədərdir. Hazırda isə ərimin ölümündən sonra onun maaşını mənim hesabıma tökürlər”, -deyə Əzəm Qəməri deyib.

Həmçinin ölümündən əvvəl əri Rza Xürrəminin Qasım Süleymaninin ən yaxın adamlardan biri olduğunu deyən Əzəm Qəməri, ərinin 2009-cu ildə İranda keçirilən prezident seçkilərinin nəticələrinə qarşı keçirilən kütləvi etirazların zorla yatırılmasında iştirak etdiyini və bu işdə Qasım Süleymani ilə əməkdaşlıq etdiyini təsdiqləyib.

حضور قاسم سلیمانی، فرمانده کشته‌شده نیروی برون‌مرزی سپاه پاسداران، در سوریه

Bəşər Əsəd rejiminə dəstək vermək üçün Suriyada olan məşhur terrorçu Qasım Süleymani mühafizəçiləri ilə birlikdə

A.M

GUNAZ.TV

SON XƏBƏRLƏR