Əhərin nümayəndəsi Qaradağ mədənlərinin talandığını deyib

SON XƏBƏRLƏR

Əhərin nümayəndəsi Qaradağ mədənlərinin talandığını deyib

2021.12.01, 11:41

Gunaz.tv

Millət vəkili mədəndən əldə edilən xammalın Kirmana daşındığını bildirib. "Azərbaycanlılara qalan isə mədənlərindən çıxan toz-torpaq və məhv edilən ətraf mühitdir"-deyə, o, bildirib.

“Zəngin mədənlərə malik olmasına baxmayaraq, Əhər və Heris bölgələri acınacaqlı durumdadırlar. Onlar öz mədənlərindən əldə olunan sərvətlərdən bəhrələnə bilmirlər.

Xüsusilə bu bölgələrin kəndləri ətraflarında zəngin mədənlərin olmasına rəğmən ibtidai imkanlardan məhrumdurlar”-deyə, Ə.Məhərrəmzadə bildirib.

O, başqa əyalətlərin bölgədə sərmayə qoymasına qarşı olmadığını bildirib və əlavə edib ki, azərbaycanlıların öz qaynaqlarından yararlana bilməməsi sual doğurur.

Qeyd edək ki, Qaradağda zəngin mis və qızıl mədənlərinin yerləşməsinə baxmayaraq, bölgə inkişaf etməmiş yerlər sırasındadır.

Süngün mis mədəni, Əncird və əndiryan qızıl mədənlərindən əldə edilən məhsul başqa əyalətlərə, xüsusilə Kirmçan əyalətinə daşınır və orada emal olunur.

Bundan nöncə bir neçə millət vəkili və yerli əhalinin bölgədə emal zavodlarının yaradılması ilə bağlı müraciətləri cavabsız qalıb.

C.E

GUNAZ.TV

SON XƏBƏRLƏR