Həmədan və Qəzvin əyalətlərinin kəndlərində içməli su qıtlığı yaranıb

SON XƏBƏRLƏR

Həmədan və Qəzvin əyalətlərinin kəndlərində içməli su qıtlığı yaranıb

2021.12.08, 12:42

Gunaz.tv

Həmədan əyalətinin Su və Kanalizasiya Şirkətinin su istismarı üzrə sədr müavini Həmidrza Nikdad mediaya verdiyi açıqlamada yay fəslinin bitməsindən aylar keçməsinə baxmayaraq bölgələrdə quraqlıq və içməli su çatışmazlığının davam etdiyini deyib.

O, Həmədan da daxil olmaqla əyalətin bir çox bölgələrinin əhalisinin içməli suya olan tələbatının səyyar su tankerləri ilə ödəməyə çalışdıqlarını bildirib.

Nikdad son həftələr su qıtlığı yaşayan kəndlərin sırasına daha 63 kəndin əlavə olunduğunu qeyd edərək, payızın son ayının olmasına baxmayaraq bölgədə yağıntıların olmaması ucbatından qarşıdakı qış aylarında da su probleminin yaşanacağını qeyd edib.

Bununla yanaşı Qəzvin əyalətinin Abyek şəhəri və ətraf bölgələrində yaşayan əhalinində içməli su baxımından əziyyət çəkdikləri barədə sosial mediada görüntülər paylaşılıb.

Məlumatda əhalinin içməli su əldə etmək üçün uzun məsafələr qət edərək qalonlarla su daşıdıqları. Bundan öncə millət vəkillərinin problemin həlli ilə bağlı verdikləri vədlərin özünü doğrultmadığı bildirilib.

Bundan bir müddət öncə noyabr ayında Həmədan əyalətinin abadlıq işlərinin kordinasiyası üzrə valinin müavini Fərhad Fərzanə əyalətin su çatışmazlığı baxımından böhran astanasında olduğu barədə xəbərdarlıq etmişdi.

Bununla yanaşı Qəzvin əyalətinin Abyek bölgəsinin İran parlamentindəki nümayəndəsi Lütvüllah Siyahkəli mətbuata verdiyi müsahibədə Qəzvini “susuzluqdan yanan bölgə" adlandırıb.

“Qəzvin ölkədə nadir əyalətlərdədir ki, zəngin su qaynaqlarına malik olmasına baxmayaraq, susuz əyalət adı ilə tanınıb və özünün su qaynaqlarını idarəetmə haqqına sahib deyil”-deyə, Lütvüllah Siyahkəli bildirib.

O, uzun illərdir içməli su çatışmazlığının aradan qaldırılması iıə bağlı verilən vədlərin heç birinin özünü doğrultmadığını, problemin həlli üçün özəl sektorun investisiyasına ehtiyac duyulduğunu qeyd edib.

C.E

GUNAZ.TV

SON XƏBƏRLƏR