Əhərdə tibb işçiləri çatışmazlığı yaşanır

SON XƏBƏRLƏR

Əhərdə tibb işçiləri çatışmazlığı yaşanır

2021.12.10, 14:02

Gunaz.tv

Səhiyyə Şəbəkəsinin başçısı Məhəmməd Mirzapur xüsusilə koronavirus dövründə tibb işçilərinin fəaliyyətlərini yüksək qiymətkləndirib və bölgədə tibb işçilərinin başqa bölgələrlə müqayisədə olduqca az olduğunu deyib.

O, xüsusilə Əhərin ən böyük xəstəxanası olan “Baqir-əl Ulum” xəstəxanasında səhiyyə əməkdaşlarının çatışmadığını bildirib.

“Standartlara görə hər çarpayı üçün 1.8 tibb işçisi nəzərdə tutulduğu halda. Əhərdə bu hər çarpayı üçün 0.7 civarındadır və bununla da bölgə səhiyyə işçiləri baxımından iki dəfədən çox çatışmazlıqla üz-üzədir”-deyə, Mirzapur bildirib.

Əhərin cümə imamı axund Cavad Hacızadə də məsələ ilə bağlı narahatlığını ifadə edib və Təbriz Tibb Universiteti qarşısında problemin həlli ilə bağlı məsələ qaldıracağını söyləyib.

Bundan bir müddət öncə Əhər və Heris bölgələrinin İran parlamentindəki nümayəndəsi Əhməd Məhərrəmzadə məsələ qaldıraraq Əhərdə tibb ocaqları və əməkdaşlarının çatışmazlığı barədə məlumat vermişdi.

Millət vəkili Əhər şəhərinin yeganə böyük xəstəxanası “Baqir-əl Ülum”un artıq köhnəldiyini və yeni xəstəxananın tikintisinə zəruri ehtiyac olduğunu bildirib:

“Yeni xəstəxananın tikintisi üçün dövlət budcəsində yetərli büdcə olmadığı bəhanəsinə görə biz istəyimizdən əl çəkməyəcəyik".

Qeyd edək ki, Güney Azərbaycan əyalətlərində bir çox sahələrə, o cümlədən təhsil və səhiyyə sahəsinə yetərincə büdcə ayrılmır.

Azərbaycan bölgələrində təhsil və tibb ocaqlarının tikintisi və texiki təchizatının təminatı əsasən yerli xeyriyyəçilərin vəsaiti hesabına həyata keçirilir.

Neçə ilərdir ki, yerli məsullar əhalinin müraciətləri qarşısında vəsaitimiz yoxdur və mərkəzdən bizə büdcə ayrılımr cavaı verərək məsuliyyətdən yayınırlar.

C.E

کمبود نیروی پرستار در بیمارستان باقرالعلوم اهر

Məhəmməd Mirzapur

GUNAZ.TV

SON XƏBƏRLƏR