Türkiyəli iş adamı Təbrizdə 10 min nəfərlik iş yeri açır

SON XƏBƏRLƏR

Türkiyəli iş adamı Təbrizdə 10 min nəfərlik iş yeri açır

2022.02.03, 15:08

Gunaz.tv

Şərqi Azərbaycan əyalətinin valisi Zeynəlabdin Rəzəvi Xurrəm türkiyəli iş adamının “Səhlan Xüsusi İqtisadi Bölgəsi”ndə ixtisaslaşmış sənaye şəhərciyi tikməyə hazır olduğuna işarə edərək onun əyalətin durumundan yetərincə məlumatlı olduğunu deyib.

“Səhlan Xüsusi İqtisadi Bölgəsi” nisbətən əlverişli infrastrukturun mövcudluğuna görə investisiya, istehsal və sənaye fəaliyyətləri üçün əlverişli platformadır”-deyə, vali türkiyəli iş adamı ilə keçirdiyi toplantıda bildirib.

“Səhlan Xüsusi İqtisadi Bölgəsi”ndəki sənaye şəhərciyi layihəsinin İran və Türkiyənin güclü şirkətlərinin iştirakı ilə həyata keçiriləcəyini qeyd edən türkiyəli sərmayəçi bu layihənin işə salınması ilə 10 min iş yerinin açılacağı barədə məlumat verib.

“Şərqi Azərbaycanın müxtəlif elmi və sənaye sahələrində bacarıqlı, ixtisaslaşmış gənclər var. Səhlandakı investisiya layihəsi ənənəvi fəaliyyətlərdən fərqli olaraq texnologiyaya əsaslanacağna görə, Universitetlərin və elmi-texnoloji mərkəzlərin əməkdaşlığına ehtiyacımız var”-deyə, türkiyli iş adamı bildirib.

Qeyd edək ki, əyalətin məsul qurumlarının başçılarının iştirakı ilə keçirilən toplantıda layihənin texniki-icra xarakteristikası, onun tələbləri və infrastrukturuna baxılıb.

“Səhlan Xüsusi İqtisadi Bölgəsi” Təbrizdən 15 km aralıda, İran-Avropa tranzit yolunun üzərində yerləşir. Bu bölgə qədim İpək Yolu üzərində yerləşdiyinə görə çoxdan xüsusi və strateji mövqeyə malik olub, iş adamları və iqtisadi fəallar tərəfindən diqqətdə saxlanılıb.

C.E

GUNAZ.TV

SON XƏBƏRLƏR