"Traxtur" futbol klubu son qarşılaşma ilə bağlı bəyanat yayıb

SON XƏBƏRLƏR

"Traxtur" futbol klubu son qarşılaşma ilə bağlı bəyanat yayıb

2022.05.20, 07:56

Gunaz.tv

Bəyanatda "Persepolis" komandasının oyunçusu Ümid Alişahın azarkeşlərə və "Traxtur" oyunçularına qarşı qeyri-etik davrandığı, gərginlik yaratmağa çalışdığı vurğulanıb, hakim ədalətsizliyi tənqid edilib. Qeyd olunub ki, hakim qeyri-etik hərəkətlər edən Ümid Alişahı meydandan uzaqlaşdırmalı idi.

“Təbriz stadionunda baş verənlərin "Traxtur" tərəfdarlarına heç bir aidiyyatı yoxdur. "Traxtur" tərəfdarları gərginlik yaradanları tanımır. Premiyer Liqa yarışlarının son həftələrində kimlərsə bilərəkdən, "Traxtur"a zərbə vurmaq üçün belə oyunlar qurur, tanınmaz şəxsləri "traxtur"çu kimi stadiona yollayırlar”-deyə, klubun bəyanatında bildirilib.

Bəyanatda "Persepolis" klubunun oyunçuları Ümid Alişah və Mehdi Turabinin azərbaycanlı tamaşaçıları təhqir etdikləri, onlara daş atdıqları qeyd olunub.

"Belə bir hərəkət dünyanın heç bir yerində görünməyib"-deyə, bəyanatda bildirilir.

Qeyd edək ki, Ümid Alişah bundan öncə də dəfələrlə qeyri-etik davranışlarına görə futbolçuların və azarkeşlərin tənqidləri ilə üzləşib.

"Traxtur" klubunun bəyanatında bildirilir ki, İran Futbol Federasiyası tərəfindən cəzasız qalan oyunçu qeyri-etik hərəkətlərini davam etdirir,

“"Traxtur" rəqib komandanın oyunçularının gərginliyə səbəb olan qeyri-etik, kobud və idmana yaraşmayan hərəkətlərini əks etdirən görüntüləri toplayaraq hakimlər heyətinə, hakimə və Futbol Federasiyasına təqdim edib və onlardan qəti addım gözləyir”-deyə, bəyanatda qeyd olunur.

Qeyd edək ki, mayın 19-da Təbrizin “Səhənd” (Yadiqari İmam) stadionunda "Traxtur" və Tehranın "Persepolis" komandaları arasında baş tutan qarşılaşma gərginlik yarandığı üçün yarımçıq dayandırılıb.

Tehran komandasının oyunçularının "Traxtur" tərəfdarlarına qarşı qeyri-etik davranışları oyunçular və stadiona toplaşanlar tərəfindən etirazlarla qarşılaşıb.

Cavidan

GUNAZ.TV

SON XƏBƏRLƏR