"İranın nüvə proqramı çox sürətlə inkişaf edir"-Rafael Qrossi

SON XƏBƏRLƏR

"İranın nüvə proqramı çox sürətlə inkişaf edir"-Rafael Qrossi

2022.08.03, 06:14

Gunaz.tv

Rafael Qrossi İran rəsmilərinin “xoş sözləri”nin beynəlxalq müfəttişlərin etimadını qazanmaq üçün kifayət etmədiyini, Tehran hökumətinin nüvə proqramı ilə bağlı məsələlərə aydınlıq gətirməli olduğunu söyləyib.

Beynəlxalq Atom Enerjisi Agentliyinin baş direktoru İranın yeni nüvə fəaliyyətləri ilə bağlı tezliklə hökumətlərə hesabat verəcəyini bildirib.

İranın Beynəlxalq Atom Enerjisi Agentliyinin 27 kamera və müşahidə cihazını söndürməsi ilə bağlı hərəkətini tənqid edən Qrossi "İran İnternational"-a "Biz bu kameraları uzaqdan idarə edirdik və onları müxtəlif yerlərdə quraşdırmışdıq, ancaq son iki ay ərzində kameralara giriş imkanımız yoxdur"-deyib.

"Hazırda bizim ən mühüm problemimiz agentliyin kameralarının söndürüldüyü saytlardır, ancaq İranın bir sıra başqa nüvə obyektlərində kameralarımız hələ də aktivdir və biz bu saytlarda nə baş verdiyini bilirik"-deyə, Qrossi bildirib.

Agentliyin narahatlığı ilə bağlı açıqlama verən Qrossi vurğulayıb ki, hazırda bizi narahat edən əsas məsələlərdən biri sentrifuqaların fəaliyyəti ilə bağlıdır, danışıqların davam edib-etmədiyini İrandan soruşacağıq.

"Nüvə fəaliyyətinə gəldikdə, “xoş sözlər”in heç bir təsiri yoxdur və siz Agentlik ilə dəqiqləşdirib əməkdaşlıq etməlisiniz"-deyə, Beynəlxalq Atom Enerjisi Agentliyinin baş direktoru İran rəsmilərinə xitabən deyib.

"İran Beynəlxalq Atom Enerjisi Agentliyinin müfəttişlərinə uranın zənginləşdirilməsi proqramına adekvat giriş imkanı verməlidir ki, agentlik İranın nüvə proqramının dinc xarakter daşımasını ilə bağlı arxayın olsun"-deyə, Qrossi bildirib.

Qeyd edək ki, Əli Xameneyinin müşaviri və Xarici Əlaqələr Şurasının rəhbəri Kamal Xərazi və İranın Atom Enerjisi Təşkilatının rəhbəri Məhəmməd İslami də daxil olmaqla İranın rəsmiləri bu ölkənin atom bombası yaratmaq qabiliyyətinə malik olduğunu, ancaq İranın hazırda belə bir planının olmadığını iddia ediblər.

Cavidan

GUNAZ.TV

SON XƏBƏRLƏR