Contact Us

SON XƏBƏRLƏR

Salman Rüşdiyə qarşı terror böyük əks-səda doğurdu: Dünya liderləri İranın əməlini pislədi

2022.08.13, 06:00
Salman Rüşdiyə qarşı terror böyük əks-səda doğurdu: Dünya liderləri İranın əməlini pislədi

Gunaz.tv

"Salman Rüşdi 33 ildir ki, qaranlıq düşüncəyə qarşı mübarizənin nümayəndəsi kimi çıxış edib, indi də nifrət yayan və barbar qüvvələrin hücumunun qurbanı olub.

Onun mübarizəsi ümumdünya mübarizəsidir və hamımıza məxsusdur. Biz indi həmişəkindən daha çox onun yanındayıq"-deyə, Fransa Prezidenti Emmanuel Makron bildirib.

Britaniyanın baş naziri Boris Conson da Rüşdiyə qarşı hücumu pisləyib və ona qarşı terrordan dəhşətə gəldiyini söyləyib.

“İran liderləri on illərdir ki, Salman Rüşdini öldürmək istəyirdilər. Biz bilirik ki, onlar Amerika rəsmilərinə də sui-qəsd etməyə çalışırlar.

Co Bayden bu terrorçu rejimlə nüvə danışıqlarını canlandırmaq üçün müzakirələri ən qısa zamanda dayandırmalıdır"-deyə, respublikaçı senator Tom Kotton İrana qarşı sərt tədbirlərin görülməsini istəyib.

Başqa bir respublikaçı senator Mark Robio da həmkarının düşüncələri ilə razılaşıb və İranın Salman Rüşdini öldürənə mükafat təyin etdiyini xatırladıb.

O, deyib ki, hamının bu işin arxasında İranın olduğunu bildiyi halda bu ölkə ilə nüvə danışıqlarını davam etdirməyin mənası yoxdur.

Beynəlxalq reaksiyanın genişlənməsindən və İrana qarşı mənfi münasibətin daha da şiddətlənməsindən vahiməyə düşən İranın nüvə danışıqlarındakı heyətinin müşaviri Məhəmməd Mərəndi məsələni başqa cür izah etməyə çalışıb.

"Nüvə danışıqlarının bərpası ərəfəsində olduğunuz bir vaxtda Con Boltona qarşı sui-qəsd planı barədə açıqlamalar və sonrada belə bir hadisənin baş verməsi təsadüfdürmü"-deyə, Mərəndi bildirib.

Beynəlxalq səviyyədə terrorun pislənməsinə baxmayaraq, SEPAH-ın "Qüds" qüvvələrinin komandanı İsmail Qaani Rüşdiyə qarşı sui-qəsddən məmnunluğunu bildirib və başqa Amerika rəsmilərinin də buna məruz qalacaqlarına eyham vurub.

İran rəhbəri Əli Xameneyinin ofisinin orqanı sayılan "Keyhan" qəzeti və onun baş redaktoru Hüseyn Şəriətmədari kinayəli ifadə ilə Salman Rüşdiyə sui-qəsd edəni alqışlayıb.

Bununla yanaşı İran İnqilab Keşikçiləri Korpusuna (SEPAH) bağlı media orqanları və sosial şəbəkələr terrora görə məmnunluqlarını bildirən paylaşımlar etməkdə davam edirlər.

Cavidan
 

Açar Sözlər :

SEÇİLMİŞ XƏBƏRLƏR

Çox oxunanlar