İran mediasında Allahşükür Paşazadəyə qarşı kampaniya başlayıb

SON XƏBƏRLƏR

İran mediasında Allahşükür Paşazadəyə qarşı kampaniya başlayıb

2022.11.01, 08:59

Gunaz.tv

Müsahibdən sonra şeyx bu ölkənin mediası və SEPAH-a bağlı sosial media kanallarının hədəfinə çevrilib.

İran mediası onu səhaliyyətsiz, iradəsi özündə olmayan şəxs adalandırmaqla yanaşı, şeyxi "sionistlərə qulluqda" ittiham edib.

Qeyd edilən media orqanları bununla yanaşı Allahşükür Paşazadəni Azərbaycanda həbsdə olan dindarları müdafiə etəmədiyi üçün tənqid ediblər.

Bu kampaniyaya Azərbaycanda axtarışda olan İrana sığınan "Hüseyniyyun" qruplaşmasının sosial media kanalları da qoşulub.

Bir neçə gün bundan öncəyə kimi Qafqaz Müsəlmanları İdarəsinin başçısına qarşı ehtiyatlı davranan adı çəkilən qurum üzvləri indi şeyxin "Şeytana biət etdiyini" yazır, onu casus adlandırırlar.

Qeyd edək ki, Allahşükür Paşazadə "Real TV"-nin təsisçisi Mir Şahin Ağayevə verdiyi son müsahibəsində İranın Azərbaycan Respublikasına qarşı mövqeyindən təəccübləndiyini deyib.

“Amma mən indiyədək elə bilmişəm ki, mənə bir şey olsa, qardaşlarım gəlib məni xilas edəcəklər.

Bu gün mənim o ümidim qırıldı. Mən kimə inanım? Mənim qardaşım məni erməniyə satdı”, - deyə Şeyx müsahibəsində İran hökumətini nəzərdə tutaraq bildirib.

Timur

GUNAZ.TV

SON XƏBƏRLƏR