Contact Us

SON XƏBƏRLƏR

"Xalq öz övladına sahib çıxmalıdır"-Ərəb dissidentdən Əkbər Azada dəstək

2023.06.13, 11:11
"Xalq öz övladına sahib çıxmalıdır"-Ərəb dissidentdən Əkbər Azada dəstək

Mühacirətdə yaşayan tanınmış yazıçı və ziyalısı Yusif Əzizi Bənitörf sürgünə göndərilmiş güneyli ana dili hərəkatı fəalı Əkbər Azada dəstək bəyanatı yayıb.

Gunaz.tv

"Əkbər Azadı Beynəlxalq Ana Dili Günü münasibətilə təşkil olunan xüsusi yığıncaqda həbs edir, İranda yaşayan 30 milyon türkün dilini qadağan edirlər. Siqqətül-islamın, Pişəvərinin övladlarının bunun qarşısında susmasını istəyirlər"-, ərəb disidentin bəyanatında belə deyilir. 

Bənitörof bildirib ki, Əkbər Azadla otuz ildir tanışdır, o, yalnız mədəni fəaliyyətlə məşğul olub:

"Bu fəaliyyətlərinə görə dəfələrlə təhlükəsizlik orqanlarına çağırılıb və həbs olunub. İran Yazıçılar Birliyinin üzvü Əkbər Azadın sabit bir işi yoxdur və Tehranın cənubundakı yoxsul Kianşəhr bölgəsində yaşayır.

Təxminən iyirmi il əvvəl övladlarından birini iqtisadi şəraitin pis olması səbəbindən itirdi. Onun həyatı Karl Marksın 19-cu əsrin ikinci yarısında Londonun “Soho” məhəlləsində keçdiyi acınacaqlı həyatını xatırladır. Şübhəsiz ki, bu sürgünlə Əkbərin ailəsi daha da ağır vəziyyətə düşəcək".

Bənitörf deyib ki, hər bir azərbaycanlı bu ailəyə kömək etməlidir: "Kömək etməliyik ki, şovinist sistemin təhlükəsizlik aparatlarının onu sındırmaq arzusu baş tutmasın. Azərbaycan xalqı öz övladlarına sahib çıxmalıdır.

Bütün bu illər həbs, işgəncə və məhrumiyyətlər kifayətdir, onun sürgün qərarı ləğv edilməli və hakimiyyət Azərbaycan xalqının yarasına duz basmamalıdır".

Qeyd edək ki, Tehranda yaşayan Güney azərbaycanlı milli fəal və ana dili hərəkatının tanınmış simalarından olan Əkbər Azad iki illik sürgün cəzasını çəkmək üçün iyunun 11-də İlam əyalətinin Dərədivan şəhərinə gedib.

2017-ci il 21 fevralda Baharistan şəhərinin İnqilab Məhkəməsi Əkbər Azad, Əlirza Fərşi, Behnam Şeyxi və Həmid Mənafiyə 10 ildən 15 ilə qədər həbs və 2 il sürgün cəzası verib. Lakin daha sonra fəalların hökmü Apellyasiya Məhkəməsində 2 il həbs və 2 il sürgün cəzası olaraq dəyişdirilib.

Timur

Açar Sözlər :

SEÇİLMİŞ XƏBƏRLƏR

Çox oxunanlar