Contact Us

SON XƏBƏRLƏR

Tədqiqat mərkəzi İranda PUA istehsalını həyata keçirənləri müəyyən etdi

2023.06.20, 15:38
Tədqiqat mərkəzi İranda PUA istehsalını həyata keçirənləri müəyyən etdi

İsrailin ALMA Tədqiqat Mərkəzi iddia edib ki, İranın Şahid-136 kamikadze PUA-larının gövdə və hissələrini istehsal edən şəxsləri və şirkətləri müəyyən edib.

Gunaz.tv

Mərkəzin məlumatına görə, Şahid-136 PUA-larının gövdə və hissələrinin istehsalında əsasən “Çekad Sənət Fəraz Asiya” Məhdud Məsuliyyətli Cəmiyyətinin (MMC) icraçı direktoru Ehsan Rahət Vərno Səfadraninin rolu olub.

Səfadrani hətta 2022-ci ildə təyyarələrin avtomatik idarə olunmasında istifadə edilən yeni sistemin inkişafı barədə kitab nəşr etdirib.

Özünü "Linkedin" sosial şəbəkəsində təyyarə qurğuları mühəndisi kimi təqdim edən Ehsan İmaninijad isə həmin PUA-ların hissələrinin istehsalında fəallıq göstərib.

İmaninejad “Səd Sazə Fəraz Şərif ” və yaxud “Daria Fənnavər Borhan Şərif” MMC-nin icraçı direktorudur.

Şirkət 2016-cı ildə təsis edilib və rabitə-elektron dövriyyə sistemlərinin inkişaf etdirilməsi sahəsində fəaliyyət göstərir.

Hesabatda zahirdə hərbi sahədə fəaliyyət göstərməyən həmin 2 şirkət SEPAH-la əməkdaşlıqda ittiham olunur.

ALMA iddia edib ki, açıq datalar yolu ilə SEPAH-la əlaqədə olan PUA istehsalı cəmiyyətlərinin izinə düşə bilib.

Həmçinin bildirilib ki, onlar Qərbin sanksiyalarından yan keçmək üçün adlarını vaxtaşırı dəyişiblər.

"“Şahid-136" PUA-ları bütün dünya üçün təhlükəlidir. Onları idarə etmək rahatdır, ucuz xərclə istehsal olunur, diqqətəlayiq məsafə qət edə bilir.

İran əvəzindən döyüşən proksi-qüvvələr, o cümlədən “Hizbullah” bu PUA-lardan İsrailə qarşı həmlə üçün istifadə edə bilər.

Dünya ictimaiyyəti hələ onların təhlükələri barədə yetərli məlumata malik deyil”-tədqiqat mərkəzinin müdiri Tal Bear belə deyib.

Qeyd edək ki, İran rəsmiləri hələ bu ifşa barədə mövqe bildirməyib.

Taymaz

Açar Sözlər :

SEÇİLMİŞ XƏBƏRLƏR

Çox oxunanlar