Contact Us

SON XƏBƏRLƏR

Zənganda türk festivalının keçirilməsinə icazə verilmədi

2023.07.05, 16:15
Zənganda türk festivalının keçirilməsinə icazə verilmədi

İranın İslam Mədəniyyəti və İrşad Nazirliyi ilk türk ənənə və klassik festivalının keçirilməsini ləğv edib.

Gunaz.tv

“Respublikanın Türk Dillilərinin İlk Ənənə və Adətləri Festivalı” adlandırılmış tədbirin iyulun 3-dən 6-dək Əmir Sahaminin katibliyi ilə Güney Azərbaycanın Zəngan şəhərində keçirilməsi nəzərdə tutulmuşdu. 

Festivalda 11 teatr tamaşasının və 10 aşıq musiqisi əsərinin iştirakı planlaşdırılmışdı. Lakin 4 gün qalmış İranın təhlükəsizlik və panfarsist qurumların təzyiqi ilə tədbir ləğv olunub. 

"Katibliyinə göndərilmiş 40 əsərdən Şərqi Azərbaycan, Qərbi Azərbaycan, Zəngan və Quzey Xorasan əyalətlərindən olmaqla 11 teatr tamaşası festivala vəsiqə qazanıb.

Əsərlər 2 ifada “Ağ Qoyun, Qara Qoyun”, “Təkəm”, “Üz Yığma”, "Su dəbləri" anlamında olan “Ayin Ab”, “Saray”, “Kosa və Keçəl”, “Koroğlu və Cəfər Paşa”, “Təkəmçi Məhəmməd”, “Yenə yarpaqları tökülür” və “Garaylı” tamaşalarından ibarətdir”-Əmir Sahami İranın IRNA dövlət xəbər agentliyi ilə iyunun 5-də müsahibəsində bildirib.

Festivala vəsiqə qazanmış qruplardan birinin rəhbəri tədbirin ləğvnə etiraz edib.

O, bununla bağlı paylaşdığı videoda deyib: 
“Festivala dəstək verəcəklərini vəd etmiş Zəngan əyaləti İslami Mədəniyyət və İrşad Baş İdarəsi və digər qurumlar açılışa 4 gün qalmış bizə dedilər ki, festivala büdcə ayrılmayıb, ləğv edin.

Halbuki bütün hazırlıqlar görülmüş və hotellər rezerv olunmuşdu. 

Festivala vəsiqə qazanmış 11 teatr tamaşası qrupları sizin üçün oyuncaq deyil ki, "büdcə yoxdur" bahanəsi ilə ləğv edəsiniz. Başqa işlərə və korrupsiyaya büdcəniz var, lakin türklərin ənənə və adətlər festivalına büdcəniz yoxdur?!

Türkcə ənənə və adətlərini vətəndaşlara tanıtdıra bilən ilk türkcə festivalı ləğv etdiklərinə görə Zənganın İrşad İdarəsinin baş direktorundan və digər müdaxilə edənlərdən cavab vermələrini tələb edirəm” -deyə, qrupun başçısı paylaşdığı videoda bildirib.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar