İran valyutasını nə gözləyir? -Mərkəz proqnoz verdi

SON XƏBƏRLƏR

İran valyutasını nə gözləyir? -Mərkəz proqnoz verdi

2023.07.24, 14:15

İranın Ticarət üzrə Tədqiqat və Araşdırmalar Mərkəzi ölkədə 2024-cü ilin mart ayının sonunadək dolların qiymətinin necə olacağı barədə proqnoz verib.

Gunaz.tv

Mərkəz ekspertlərinin fikrincə, 2024-cü ilin mart ayının 20-dək (İranda cari 1402-ci ilin sonunadək) inflyasiya durumu büdcə çatışmazlığı, nağd pul artması, ticarət kəsiri və sair bu kimi amillərdən asılı olacaq.

Ekspertlər bu barədə bir neçə mümkün ssenari irəli sürüb.

Birinci ssenariyə görə, siyasi əlaqələr yaxşılaşmasa, nəticədə cəmiyyətdə yenidən çaxnaşmalar olacaq. İkinci senari özünd siyasi şəraitin və Qərblə əlaqələrin yaxşılaşmasını ehtiva edir.

Mərkəz ekspertləri hesab edir ki, birinci ssenari baş versə dollar 55-65 min tümənə qalxacaq.

Cəmiyyətdə yenidən hər hansı çaxnaşma olarsa qiymət qəfil artacaq.

Əks təqdirdə, yəni siyasi şərait və Qərblə əlaqələr yaxşılaşarsa dollar ucuzlaşaraq 35-45 min tümən arasında olacaq və milli valyutanın qiyməti sabitlənəcək.

Araşdırma mərkəzi ölkədə istehlakçı üçün inflyasiyanın 55-60 faiz və istehsalçı üçün isə 50-55 faiz civarında olacağını, həmçinin mənzil qiymətinin 40-50 faiz artacağını proqnozlaşdırıb.

Taymaz

GUNAZ.TV

SON XƏBƏRLƏR