“Zəbt olunmuş vəsaitlərin İrana qaytarılması ölkənin iqtisadi problemlərini həll etməyəcək”

SON XƏBƏRLƏR

“Zəbt olunmuş vəsaitlərin İrana qaytarılması ölkənin iqtisadi problemlərini həll etməyəcək” - iranlı diplomat

2023.08.15, 15:02

“İranın zəbt olunmuş vəsaitlərinin Amerika tərəfindən İrana qaytarılması ölkənin iqtisadi problemlərini həll etməyəcək”. Bunu keçmiş iranlı diplomat Kuruş Əhmədi deyib.

Gunaz.tv

Kuruş Əhmədinin avqustun 15-i İranda nəşr olunan Şərq Qəzetində “Bizim xarici siyasətimizin makrostrategiyası necə olmalı?” başlığı ilə yazısı dərc olunub. O, yazısında İranın Cənubi Koreyada zəbt olunmuş 6 və İraqda 2.7 milyar dollar vəsaitinin buraxılması ilə respublikanın iqtisadiyyatına təsirinə toxunub.

“Respublikanın iqtisadi problemləri həddindən artıq olduğuna görə azad edilmiş bu vəsaitlərin həmin problemləri aradan qaldırmayacağına şübhə yoxdur.
Belə ki, 85 milyon əhalisi olan ölkənin problemlərini nəzərə alsaq, həmin vəsait sanki dənizin bir damlasıdır.

Bəlkə də, ölkənin bəzi problemlərini bu vəsaitlə yola vermək olar. Lakin kafi resurslar və yararlı idarəçilik olmadığına görə müxtəlif sahələrdəki çeşidli böhranların kəskinləşməsi davam edəcək.”- deyə Əhmədi yazıb.

Qeyd edək ki, İranın dini-şovnist hakimiyyəti əsasən neftdən gələn gəlirlərini bölgədə, Orta Şərq və dünyada “Böyük İran” şovnist məqsdələrinə xərclədiyindən, ölkənin öz əhalisi və iqtisadiyyatı həmin milyarlarla gəlirlərdən lazımınca yararlana bilməyib.

Dünya gedişinə zidd hərəkətlərinə görə isə sanksiyalara məruz qalaraq iqtisadiyyatı çökmüş vəziyyətə düşüb və ölkə çeşidli iqtisadi, sosial böhranlara tuş gəlib.

Taymaz

GUNAZ.TV

SON XƏBƏRLƏR