İranda yüksək bal toplayan abituriyentlərin 80 faizi ölkəni tərk edib

SON XƏBƏRLƏR

İranda yüksək bal toplayan abituriyentlərin 80 faizi ölkəni tərk edib

2023.08.21, 17:22

İranda qəbul imtahanlarında ən yüksək bal toplayanların 2001-ci ildən 2016-ı ilədək ölkədən köçmələri barədə tədqiqat aparılıb.

Gunaz.tv

Nəticədə bəlli olub ki, 2008-ci və 2009-cu illərdə riyaziyyat və fizika qrupu üzrə qəbul imtahanlarında yüksək bal toplamış ilk 10 nəfərin hamısı İrandan köçüb. 2023-cü ildəkilər isə ölkəni tərk etmək fikrindədir.

Onlar ölkənin iqtisadi, sosial və siyasi vəziyyəti ağır olduğu ilə yanaşı hökumətin hakimiyyət tərzinin düzgün olmadığına görə ailələrinin təşviqlərinə əsasən ölkəni tərk etməyi düşünürlər.

Belə ki, “onlar öz ölkələrində yetərli maaş verilən yaxşı bir peşəyə yiyələnə bilmirlər. Digər səbəb isə ölkədə tanışın olması istedadlardan daha çox üstün tutulur. Habelə ölkədə sosial vəziyyət gənc nəsilin istəyinə uyğun yüksəlmir.”.

Həmçinin araşdırma nəticəsində bəlli olub ki, 2001-ci ildən 2016-ı illərədək universitetlərə qəbul imtahanlarında ilk 10 yeri qazanmış abuturiyentlərdən 114 nəfəri artıq İranı tərk ediblər.

Bu statistika ancaq həmin illərə aiddir və ondan sonrakı illər üzrə bu barədə vəziyyətin necə olduğu hələ bəlli deyil.

Statistikaya və aparılmış rəy sorğusuna əsasən həkimlər və tibbi qulluqçular, universitet müəllimləri, tədqiqatçılar, tələbələr və universitet məzunlarından 63-71 faizi İrandan köçməyə “çox” və “daha çox” meyilli olduqlarını qeyd ediblər.

Taymaz

GUNAZ.TV

SON XƏBƏRLƏR