İranın təhlükəsizlik orqanının 3 vəzifəli şəxsinə qarşı məhkəməyə şikayət olunub

SON XƏBƏRLƏR

İranın təhlükəsizlik orqanının 3 vəzifəli şəxsinə qarşı məhkəməyə şikayət olunub

2023.09.14, 15:21

İkili iran-fransa vətəndaşı olan 6 şəxs İranın təhlükəsizlik orqanının 3 vəzifəlisinə qarşı Fransada məhkəməyə şikayət ediblər.

Gunaz.tv

Onların müdafiə vəkili sentyabrın 13-də şikayətlərini Fransanın prokurorluğunda qeydiyyata alandan sonra açıqlama verib.

“Şikəyət onların “ölümülə hədələnmələri və terrorizmi əsaslandırma” ittihamı ilə SEPAH-ın baş komandiri Hüseyn Salamiyə, təhlükəsizlik naziri İsmayıl Xətibi və SEPAH-ın Qüds Ordusu komandiri İsmayıl Qaaniyə qarşı olunub.

22 səhifədən ibarət şikayətdə ötən il İranda başlanan nümayişlərdə iştirakçılara qarşı onların ifadələrinə istinad olunub.”- deyə Şirin Ərdəkani açıqlayıb.

Qeyd edək ki, Xətib ötən il nümayiş iştirakçılarına qarşı deyib: “xalqa və ölkəyə xəsarət yetirənlər, dünyanın harasında olurlar olsun, cəzalandırılacaqlar.”

Salami də ötən il İranın rəhbəri Əli Xaməneyidən “Çarli Ebdo” dərgisində nəşr olunmuş karikaturaya reaksiya olaraq deyib: “müsəlmanlar, nə vaxt olur olsun, bunun intiqamını alacaqlar.

İntiqamçıları saxlaya bilərsiz lakin öldürülənləri dirildə bilməyəcəksiz. Səhvə yol verənlərin diqqətini Salman Rüşdinin başına gələn taleyinə çəkirik.”.

Qeyd edək ki, Hindistanda müsəlman ailədə doğulmuş Britaniya vətəndaşı Salman Rüşdi “Şeytan Ayələri” kitabının müəllifidir.

Bu təlifə görə İran İslam Respublikasının banisi ayətulla Xomeyni təxminən 34 il öncə 1989-cu ildə onun öldürülməsinə müsəlmanlara fitva verib.

Nəticədə Rüşdinin bıçağla öldürülməsinə uğursuz cəhd olunaraq bir gözü kor olmuş və bir əli də hərəkət qabiliyyətini itirib.

“İranın həmin təhlükəszilik rəsmilərinin ifadələri hakimiyyətə qarşı müxalifləri hədələmə olaraq “açıq bəyan edilməyən fitva” şəklinədir.” -deyə İran kökənli fransalı vəkili Şirin Ərdəkani Fransa xəbər agentliyinə bildirib.

Taymaz

GUNAZ.TV

SON XƏBƏRLƏR