İranda diş çürüməsi 3 qat artıb

SON XƏBƏRLƏR

İranda diş çürüməsi 3 qat artıb

2023.09.18, 14:34

“Rəsmi dövlət statistikasına əsasən, ötən 20 illə müqayisədə iranlıların diş çürüməsi 3 qat artıb”- İranın rəsmi qəzeti belə yazıb.

Gunaz.tv

“Xalq məcbur olmayınca və diş ağrısı amanlarını kəsməyincə, diş kabinetinə müraciət etmirlər. Ona görə ki, xərcləri ödəməyə imkanları yoxdur.”-bunu İranın Diş Həkimləri Birliyi İdarə Heyətinin sədri həkim Əli Tacirnia İranın rəsmi qəzeti “Həmşəhri”-yə müsahibsində deyib.

“Maliyyə problemləri və yoxsulluğun artdığına görə diş həkimlərinə müraciət prosesi azalıb”-deyə universitet müəllimi Tacirnia əlavə edib.

Qəzetin açıqladığı dövlət statistikasna əsasən, hər 6 yaşlı iranlı uşada ortalama 5 çürük diş var. 30-40 yaşındakılarda 12-13 diş tamamilə itirilib. Habelə 65 yaşından yuxarı vətəndaşların 55 faizinin dişi əsla qalmayıb.

Dişə xidmət və sağlamlığı barədə danışanda vətəndaşların çoxu müalicə üçün qiymətlərin baş gicəlləndirici olduğunu və ona görə də diş kabinetinə müraciət imkanlarının olmadığını deyirlər.

Həmçinin, qabaqcıl və inkişafda olan dövlətlərdə Dişin Çürüməsi Əmsalı azalan olduğu bir halda dövlət statistikasına əsasən bu məsələ İranda 20 ilə öncə ilə müqayisədə indi 3 qat olub.
Qeyd edək ki, dövlətçiliyin əsas funksiyası olaraq dövlət tərəfindən vətəndaşın maliyyə imkanlarının yüksəldilməsi cəmiyyətin hər bir üzvünün sağlamlığına və nəticədə ömrün artmasına,

sosial vəziyyətinin yüksəlməsinə, habelə sosial davranışının normallaşmasına, vətəndaşın fərdi istedadlarının çiçəklənməsinə və nəhayət toplumun birnci sıralara qalxmasına bir başa təqsir edir.

Bu vəzifə isə İran dövləti tərəfindən maksimum deyil, minimum təmin olunur və ölkənin gəlirləri xalqın rifahı üçün yox, dövlətin xülyalarına, dünyada terrorizmin dəstəklənməsinə xərclənir.

Taymaz

GUNAZ.TV

SON XƏBƏRLƏR