İran İsrailə qarşı başqa cəbhələrin açılmasına çalışır

SON XƏBƏRLƏR

İran İsrailə qarşı başqa cəbhələrin açılmasına çalışır

2023.10.13, 13:56

İsrailə qarşı başqa cəbhələrin açılması hələ də mümkündür.

Gunaz.tv

Bu barədə İran xarici işlər naziri Hüseyn Əmir Abdullahiyan Beyruta səfəri zamanı “Al Mayadin”-ə verdiyi şərhdə deyib.

O, islam dövlətlərinin İsrailin törətdiyi əməllərə dözməməlidir olduqlarını söyləyib və HƏMAS-ın mülki israillilərə qarşı qəddarlıqlarına toxunmadan İsraili müharibə cinayətləri törətməkdə ittiham edib.

Abdullahiyan əlavə edib ki, İran “Fələstin müqavimətinə siyasi və informasiya dəstəyi verməyə davam edir”.

O, İran və Səudiyyə Ərəbistanı arasında "Fələstinə dəstək üçün ümumi strategiyanın bir hissəsi kimi koordinasiyanın mövcud olduğunu iddia edib.

Qeyd edək ki, Abdullahiyan bu gün Livanda "Hizbullah" terror təşkilatının başçısı Həsən Nəsrullahla da görüşüb.

Görüşdə bölgədəki son vəziyyət və onun inkişaf istiqamətləri müzakirə edilib, HƏMAS və İsrail arasında müharibə diqqət mərkəzində olub.

Tərəflər indiki vəziyyətdə hansı mövqe nümayiş etdirməli olduqlarını da razılaşdırıblar.

Timur

GUNAZ.TV

SON XƏBƏRLƏR