İran səfiri yenə qırmızı xətdən danışdı

SON XƏBƏRLƏR

İran səfiri yenə qırmızı xətdən danışdı

2024.04.17, 14:41

Bir daha vurğulayıram ki, İranın qırmızı xətləri hələ də dəyişilməz olaraq qalır və bununla bağlı Tehranın mövqelərində heç bir dəyişiklik baş verməyib.

Gunaz.tv

Bunu İranın İrəvandakı səfiri Mehdi Sübhani aprelin 16-da səfirlik binasında keçirdiyi mətbuat konfransında deyib.

Səfir, qonşuluq siyasətinin İranın əsas prioritetlərindən biri olduğunu və ölkəsinin qonşularının təhlükəsizliyini öz təhlükəsizliyi hesab etdiyini iddia edib.

"İran Cənubi Qafqazda geosiyasi dəyişikliklərə və ölkələrin beynəlxalq səviyyədə tanınmış sərhədlərinin dəyişməsinə qəti şəkildə qarşı çıxır",- Sübhani vurğulayıb.

İranın Cənubi Qafqazda gərginliyin artması ilə bağlı dəfələrlə narazılığını ifadə etdiyini deyən səfir, gərginliyin bütün region xalqlarına təsir etdiyini deyib və ölkəsininm hər iki tərəfi təmkinli olmağa və davamlı sülhün bərqərar olması üçün konstruktiv dialoqları davam etdirməyə çağırdığını bildirib.

"Biz hesab edirik ki, diplomatiya və ölkələrin bir-birinin suverenlik və ərazi bütövlüyü prinsiplərinə qarşılıqlı hörməti gərginliyin azaldılmasında mühüm amildir və mövcud problemlərin həlli yalnız diplomatik səylər və dialoq yolu ilə mümkündür",- Sübhani qeyd edib.

Azərbaycanla bağlı ad çəkmədən qırmızı xətdən danışan İran səfiri, Ermənistanla bağlı məsələdə ölkəsinin İrəvanın Brüssel görüşünün əleyhinə olmadığını deyib.

O qeyd edib ki, iqtisadi problemlərin həlli yollarını tapmaq Ermənistanın haqqıdır.

“Ermənistan hakimiyyəti bəyan edib ki, bu görüş heç bir üçüncü ölkəyə qarşı yönəlməyib. Onlar görüşün məqsədinin Ermənistanın iqtisadiyyatını gücləndirmək və Qarabağdan olan məcburi köçkünlərə dəstək almaq olduğunu bildiriblər",- deyən Sübhani İrəvanın ABŞ və Avropa Birliyi ilə yaxın münasibətlər qurması, onların bölgəyə yerləşdirilməsi cəhdlərinə bəraət qazandırıb.

Qeyd edək ki, İranın və onun səfirin Ermənistana haqq qazandırması Azərbaycanın regiondan kənar ölkələrlə iqtisadi əlaqələr qurduğuna görə Tehranın tənqid və təhdidləri ilə qarşılaşdığı vaxta təsadüf edir.

Timur

GUNAZ.TV

SON XƏBƏRLƏR