İran İsraillə qarşıdurmadan çəkinir

SON XƏBƏRLƏR

İran İsraillə qarşıdurmadan çəkinir

2024.04.20, 11:56

Xarici işlər naziri Hüseyn Əmir Abdullahian İsrailin İrana raket və PUA hücumunu etiraf etməyib

Gunaz.tv

Bu barədə BMT Təhlükəsizlik Şurasının iclasında iştirak üçün Nyu-Yorkda səfərdə olan İran xarici işlər naziri "NBC News"a müsahibəsində deyib.

O, İsrail tərəfindən irimiqyaslı və güclü bir hücum olmayana qədər İranın cavab verməyi planlaşdırmadığını söyləyib: "Nə qədər ki, İsrailin bizim maraqlarımıza qarşı yeni avantürizmi yoxdur, o zaman bizim heç bir yeni reaksiyamız da olmayacaq".

Lakin xarici işlər naziri xəbərdarlıq edib ki, əgər İsrail İrana hücum etsə, cavab sürətli və sərt olacaq. "İsrail mənim ölkəmə qarşı qətiyyətli addım atsa və bu, sübuta yetirilərsə, bizim cavabımız dərhal və maksimum olacaq. Bu, onların peşmanlığına səbəb olacaq".

İranın baş diplomatı ölkəsinin ötən həftə raketlər və PUA-lar vasitəsilə İsrailə irimiqyaslı hücumu barədə də danışıb.

Abdullahian hücumun "xəbərdarlıq" məqsədi daşıdığını bildirib. "Biz Hayfa və Təl-Əvivi vura bilərdik. Biz İsrailin bütün iqtisadi limanlarını da hədəfə ala bilərdik. Ancaq bizim qırmızı xətlərimiz mülki şəxslər idi. Bizim yalnız hərbi məqsədimiz var idi", - xarici işlər naziri deyib.

Nazirin iddialarının əksinə yayılan video görüntülərdə İranın bir neçə şəhərində güclü partlayışların baş verdiyi, İsfahan hərbi aviabazasida şiddətli yanğının olduğu müşahidə olunur.

Kırmaşahdan İsrailə raket buraxılan hərbi bazaya isə PUA-larla hücum edilib.

Qeyd edək ki, dünən İsrailin Irana hava hücumundan sonra İsfahan, Şiraz, Tehran hava limanlarının uçuşları dayandırılıb.

Günaz TV

GUNAZ.TV

SON XƏBƏRLƏR