Contact Us

SON XƏBƏRLƏR

Qoşaçaylı fəal həbsdədir

2024.05.30, 09:30
Qoşaçaylı fəal həbsdədir

Qərbi Azərbaycan əyalətinin Qoşaçay (Miyandab) şəhərindən olan siyasi fəal Vəliullah Zöhrabi (Oxtay) mayın 23-də həbs edilib.

Gunaz.tv

O, mayın 23-də Qoşaçay şəhərinin kəşfiyyat İdarəsi tərəfindən həbs edilib və dindirildikdən sonra bu şəhərin həbsxanasına köçürülüb.

Məlumata görə, Zöhrabi, təhlükəsizlik məmurları tərəfindən saxlanılaraq dindirildikdən sonra prokurorluğa aparılıb, daha sonra isə Qoşaçay həbsxanasının karantin bölməsinə köçürülüb.

Mayın 12-də isə təhlükəsizlik məmurları siyasi fəalı idarəyə çağıraraq bir neçə saat dindirdikdən sonra sərbəst buraxmışdılar.

Azərbaycanlı fəalın həbsinin səbəbləri və ona qarşı irəli sürülən ittihamlar hələ ki, məlum deyil. Onun karantin bölməsində saxlanıldığı üçün ailəsi və yaxınları ilə əlaqə saxlamasının mümkün olmadığı bildirilir.

Qeyd edək ki, son aylarda İranın təhlükəsizlik məmurlarının azərbaycanlı milli fəallara qarşı təzyiqləri artıb. İndiyədək onlarla fəal həbs edilib, onlardan bəzilərinə qarşı ağır ittihamlar irəli sürülüb.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar