Bu barədə Almaniyanın "Şpigel" nəşri Daxili İşlər Nazirliyinin 220 səhifəlik hesabatına istinadən məlumat yayıb.

Əldə edilən sənədlər fəaliyyətinə qadağa qoyulan mərkəzin Əli Xaməneinin bir başa göstərişi ilə fəaliyyət etdiyini və eyni halda Livanın "Hizbullah" terror təşkilatı ilə də sıx əlaqədə olduğunu sübut edir.

Hamburq İslam Mərkəzinin rəhbəri Müfətteh İran rəhbərinin kommunikasiya və beynəlxalq əlaqələr idarəsinin müavini Mehdi Müstəfəvi ilə WhatsApp vasitəsilə daim əlaqə saxlayıb.

Bu iki şəxs 2021-ci ilin sonundan 2023-cü ilin sonuna kimi 650-dən çox mesaj mübadiləsi aparıb.

Hesabata görə, Müstəfəvi bu söhbətlərdə Məhəmməd Hadi Müfəttehə 2023-cü ildə Hamburqdakı İslam Mərkəzinə gedən almanca danışanlara (ehtimal ki, İran tərəfindən şiəliyi qəbul etmiş almanlar) Xaməneinin mesajlarını ehtiva edən ətraflı göstərişlər verib.

Bu mesajların digər məzmunları arasında mərkəzin 2024-cü ildəki fəaliyyəti də diqqət mərkəzində olub.

Müfətteh ilə Xaməneinin ofisi arasında mübadilə edilən mesajlarda “anti-İsrail təbliğatı” üçün təlimatlar göndərilib.

Məsələn, HƏMAS-ın 2023-cü il oktyabrın 7-də İsrailə hücumu və təxminən 1200 nəfərin ölümü ilə nəticələnən terror əməliyyatından bir neçə gün sonra Müfətteh İslam Respublikası liderinin ofisindən bu hadisəni necə şərh etmək barədə tövsiyələr alıb.

Həmin tövsiyələrdə siyasi, ideoloji və hərbi istiqamətlərdə İsrailə qarşı uzunmüddətli mübarizə və müharibənin vacibliyi vurğulanıb.

Almaniya Daxili İşlər Nazirliyinin sənədlərinə əsasən, Yəmən radikallarına göndərilən yardımların sənədlərində Əi Xaməneinin imzası və əxsi möhürünün yanında Hamburq İslam Mərkəzinin rəhbərinin də adı var.

Nazirliyin məlumatına görə, bu təsdiqlər Hamburq İslam Mərkəzinin İran rejiminin birbaşa xarici nümayəndəsi kimi fəaliyyət göstərdiyinə dayir sənədlərdir. 

Həmçinin müstəntiqlər Hamburq İslam Mərkəzində yolxlamalar apardıqları zaman əldə edilən sənədlərdən məlum olub ki, bu mərkəz və onun müdiri Livan Hizbullahı ilə də əlaqə saxlayıb.

Ələ keçirilən sənədlərdən məlum olur ki, "Hizbullah" terror təşkilatının xarici əlaqələr şöbəsinin rəhbəri olan bir molla Almaniyaya səfərləri barədə hesabat hazırlayıb.

Hesabata görə, o rəsmi adı "Göy məscid" olan "İmam Əli" (Hamburq İslam Mərkəzi)nin iclaslarında iki il müddətinə davamlı olaraq iştirak edib.

Livanlı molla, 2016-cı ildə hazırladığı hesabatda maddi, mənəvi və məsləhət xarakterli yardımlara görə Hamburq İslam Mərkəzinə təşəkkür edib.

Məhəmməd Hadi Müfətteh və Hamburq İslam Mərkəzinin başqa məsullarının telefonlarında həmin livanlı mollanın telefon nömrəsi tapılıb.

Qeyd edək ki, Almaniya polisi iyulun 24-də Hamburq İslam Mərkəzində axtarış aparıb və mərkəzin fəaliyyətinə qadağa qoyulub.

GünazTV