Zəngəzura görə Rusiya ilə İranın münasibətləri gərginləşir

SON XƏBƏRLƏR

Zəngəzura görə Rusiya ilə İranın münasibətləri gərginləşir - İran səfiri açıqlama verdi

2024.09.06, 14:28

Rusiya Prezidenti Vladimir Putinin Zəngəzur dəhlizinin açılmasının zərurəti və Ermənistanın buna mane olması ilə bağlı açıqlamasından sonra İran mediası və rəsmiləri Rusiyaya qarşı bəyanatlar səsləndirməyə başlayıblar.

Gunaz.tv

Bu qəbildən olan bəyanatlardan biri də, İranın İrəvandakı səfiri Mehdi Sübhani tərəfindən verilib.

"Tehran üçüncü ölkələrin nümayəndələrinin Zəngəzurda kommunikasiyalara nəzarət etməsinin əleyhinədir",- Mehdi Sübhani deyib.

“İrəvan sərhəd məntəqələrində nəzarəti Ermənistan hakimiyyəti tərəfindən həyata keçiriləcəyini deyib. Biz hər şeyin Ermənistanın suverenliyi çərçivəsində olmasının tərəfdarıyıq, istənilən nəzarət Ermənistan tərəfindən olacaq. Biz bura hansısa xarici ölkələrdən gəlib, nəzarət və ya təhlükəsizliyi təmin etməsini dəstəkləmirik”, - səfir əlavə edib.

Bununla yanaşı İran parlamentinin keçmiş deputatı Əli Mütəhhəri də Zəngəzur dəhlizinin yaradılmasına qarşı çıxaraq, Rusiyanı bu dəhlizə nəzarət etmək istəməkdə ittiham edib.

"İranın 14-cü hökuməti Zəngəzur dəhlizinin tikintisinə diqqətlə yanaşmalıdır, çünki Rusiya da bu dəhlizlə maraqlanır. Rusiya heç vaxt İranın maraqlarını nəzərə almayıb, xüsusilə də indi Ukraynadakı münaqişə ilə məşğuldur. Bu dəhliz İranın Ermənistan üzərindən Avropaya olan yolunu məhdudlaşdırır", - deyə o, bildirib.

İranın Ali İqtisadi Koordinasiya Şurasının katibi Mohsen Rzaei də bildirib ki, "Rus rəsmi şəxslərinin Zəngəzur dəhlizi və üç İran adası ilə bağlı davranışı qəbuledilməzdir və İranla olan strateji münasibətlərə ziddir".

Qeyd edək ki, iki gün əvvəl SEPAH-a bağlı "Təsnim" xəbər agentliyində də məsələ ilə bağlı geniş material dərc olunub.

Yazıda rəsmi Moskvanın Zəngəzur dəhlizi ilə bağlı mövqeyi tənqid edilib, İranın dəhlizlə bağlı mövqeyində qəti olduğu deyilib.

GünazTV

GUNAZ.TV

SON XƏBƏRLƏR