Həmas İsrailə 11 sentyabr hücumlarına bənzər plan hazırlayıb

SON XƏBƏRLƏR

Həmas İsrailə 11 sentyabr hücumlarına bənzər plan hazırlayıb

2024.10.14, 15:29

Həmas terrorçu qruplaşması İsarilə qarşı 2001-ci il sentyabrın 11-də ABŞ-da əkiz qüllələrə edilən hücuma bənzər terror aktı törətməyi planlaşdırıb.

Gunaz.tv

Bu barədə “The Washington Post” İsrail mənbələrinə istinadən məlumat yayıb. Bildirilir ki, bu plan 7 Oktyabr hücumundan illər öncə hazırlanıb. Plana əsasən, terrorçular hərbi imkanlardan istifadə edərək, Tel-Əviv şəhərinin mərkəzində yerləşən göydələnləri məhv etməli idilər.

“The Washington Post” yazır ki, planla bağlı məxfi sənədlər İsrail rəsmiləri tərəfindən Həmas komandanlıq mərkəzlərindən ələ keçirilib. Bu sənədlər hazırlanmış planın detallarını ortaya çıxarır. Hərbi ekspertlər mövzu ilə bağlı şərh verərkən bildiriblər ki, terror qruplaşmasının hazırladığı plan "natamam və qeyri-peşəkar" görünür.

Hamas-led groups committed 'numerous war crimes' during October 7 attack in southern Israel, HRW says | CNN

Bundan əlavə, terror qruplaşmasının İran liderlərinə ünvanladığı məktublar da bəzi detallar aşkar edilib. Onlar İran rejiminin dəstəyini istəyiblər.

Bundan əlavə, tapılan sənədlər arasında Həmas rəhbəri Yəhya Sinvarın 2021-ci ildə İran rejiminin yüksək rütbəli məmurlarına ünvanladığı məktub da aşkarlanıb. Həmas lideri İran rejimindən maliyyə və hərbi dəstək tələb edib. Yəhya Sinvar İrandan dəstək alacağı təqdirdə iki il ərzində İsraili məhv edəcəyini vəd edib.

İsrail hərbçiləri tərəfindən tapılan məxfi sənədlərdə 17 mindən artıq fotoşəkil aşkarlanıb. İsrail şəhərlərinin peyk görüntüləri, müxtəlif hərbi okyektlər və sosial şəbəkə istifadəçiləri tərəfindən paylaşılan görüntülər fotoşəkillər arasında olub.

Tel Aviv - Wikipedia

Təl-Əviv şəhərinin kənarında yerləşən Ben-Qurion hava limanından istifadə edən kommersiya təyyarələrinin uçuş sxemlərini əks etdirən məlumatlar da tapılan sənədlər arasında olub.

Terrorçu qruplaşma Təl-Əvivdə üç göydələni dağıtmağı planlaşdırıb. Mümkün hədəflər arasında 70 mərtəbəli “Moshe Aviv Tower” və “Azrieli Center” kompleksi nəzərdən keçirilib. Məxfi sənədlərin birində qeyd olunub:

“Əgər bu göydələnlər dağıdılarsa, Nyu-Yorkdakı Dünya Ticarət Mərkəzinin dağıdılması ilə yaranmış böhranın bir bənzəri də İsarildə baş verəcək.” deyilir.

Bununla belə, hesabata görə, sənəddə qeyd olunub ki, Təl-Əviv göydələnlərinə hücum planı tam formalaşmayıb və Həmas belə bir zərbəni uğurla həyata keçirə biləcəyinə şübhə ilə yanaşıb.

Qeyd edək ki, planların hazırlandığı mətn ərəb dilində yazılıb və hal-hazırda İsrail ordusu bu sənədləri sübut kimi saxlayır.

GUNAZ.TV

SON XƏBƏRLƏR