Contact Us

SON XƏBƏRLƏR

Amuli yenə Azərbaycana qarşı tədbir keçirib

2025.01.20, 15:13
Amuli yenə Azərbaycana qarşı tədbir keçirib

Əli Xaməeinin Ərdəbil əyalətindəki nümayəndəsivə şəhərin cümə imamı Həsən Amulinin təşəbbüsü ilə yanvarın 19-da "Dünya Müsəlman Azərilər Günü" tədbiri keçirilib.

Gunaz.tv

Bu barədə İran mediası məlumat yayıb.

Həsən Amulinin 10 il əvvəl başlatdığı "Dünya Müsəlman Azərilər Günü" tədbiri bu il “Din, Dil, Torpaq” şüarı altında Ərdəbilin Şeyx Səfi Kompleksinin Xətayi zalında baş tutub.

Xaməneinin nümayəndəsi tədbirdə çıxış edərək 1990-cı il yanvarın 20-də Azərbaycan Sovet Sosialist Respublikasında baş verən faciəyə toxunaraq, 19 yanvar gününü ‘azərilərin’ İran kimliyinin tamamən aşkar olunduğunu” iddia edib.

Xatırladaq ki, bundan əvvəl dekabrın 29-da Həsən Amulinin təşəbbüsü ilə Ərdəbildə daha bir anti-Azərbaycan tədbiri keçirilib və bu tədbirdə Azərbaycan Respublikası və Türkiyə Cumhuriyyətinin Prezidentlərinə qarşı ədəbsiz ifadələr ilədilib.

Qeyd edək ki, 2015-ci ildə keçirilən ilk tədbirdə Həsən Amuli “Azərbaycanda yaşayan əhalinin İran kimliyini daşıyan azəri xalqından ibarət olduğu” deyilib, bunu sübut etmək üçün lazımi layihələrin həyata keçiriləcəyi bildirilib.

Ərdəbilin cümə imamı Azərbaycan tarixinin təhrid edildiyini iddia edib və bunun aradan qaldırılması üçün tədbirlər gördüklərini söyləyib.

“Ərdəbildə azəri dili və tarixinin ensiklopediyasını yazmaq üçün bir tarix tədqiqat qrupu təşkil olunub. Bizim bütün səyimiz azəri xalqının tarixini ətraflı, dəqiq və sənədləşdirilmiş tərzdə tərtib etməkdir. Bunun ardınca, dövlət və məsulların dəstəyi ilə Şah İsmayıl filmi və serialını da hazırlayıb yayımlayacağıq”,- əyalət mollası bildirib.

Cavidan

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar