Amerika İsrailə MK-84 hava bombaları göndərib

SON XƏBƏRLƏR

Amerika İsrailə MK-84 hava bombaları göndərib

2025.02.17, 13:43

İsrail Müdafiə Nazirliyi bazar günü bildirib ki, Co Baydenin administrasiyası tərəfindən göndərilməsi gecikdirilən Amerika istehsalı ağır bombalardan ibarət yüklər artıq İsrailə çatıb.

Gunaz.tv

"Amerika hökumətinin təsdiqlədiyi 2 min kiloluq ağır bomba yükü İsraildə qəbul edilərək boşaldılıb. MK-84 ağır sursatları daşıyan gəmi Aşdod limanına yanaşaraq boşaldılıb. Sursat onlarla yük maşınına yüklənərək İsrail Hərbi Hava Qüvvələrinin bazalarına daşınıb", - məlumatda bildirilir.

Hava bombalarının İsrailə göndərilməsi ötən may ayında İsrailin Qəzzanın cənubundakı Rəfah şəhərinə qurudan hücumundan sonra Bayden administrasiyası tərəfindən gecikdirildi.

“İsrailə çatan döyüş sursatları İsrail Hərbi Hava Qüvvələri və İDF (ordu) üçün əhəmiyyətli bir sərvəti təmsil edir. Bu, İsrail ilə ABŞ arasında möhkəm ittifaqın daha bir sübutudur”, - müdafiə naziri İsrael Katz bildirib.

“Mən prezident Donald Trampa və ABŞ administrasiyasına İsrail dövlətinə göstərdikləri sarsılmaz dəstəyə görə təşəkkür edirəm. Təhlükəsizliyimizi gücləndirmək üçün birlikdə işləməyə davam edəcəyik”, o əlavə edib.

Nazirliyin məlumatına görə, 2023-cü il oktyabrın 7-də Qəzza müharibəsi başlayandan bu yana 678 nəqliyyat təyyarəsi və 129 gəmi ilə İsrailə 76 min tondan çox hərbi texnika gəlib.

MK-84, təxminən bir ton ağırlığında, idarə olunmayan, yüksək partlayıcı bombadır. O, böyük strukturları dağıtmaq və geniş radiusda kütləvi ziyan vurmaq üçün nəzərdə tutulub.

Ş.E

GUNAZ.TV

SON XƏBƏRLƏR