Contact Us

SON XƏBƏRLƏR

Cenevrədə Kipr nizamlanmasına dair sammit başlayır

2025.03.17, 12:44
Cenevrədə Kipr nizamlanmasına dair sammit başlayır

Bu gün Cenevrədə BMT-nin himayəsi altında və BMT-nin baş katibi Antonio Quterreşin iştirakı ilə Kipr nizamlanmasına dair ikigünlük sammit başlayır.

Gunaz.tv

GünazTV Musavat.com-a istinadən xəbər verir ki, forumun məqsədi ada probleminin həlli üçün Kipr yunan və türk tərəflərini 2017-ci ildə yarımçıq qalmış danışıqların bərpasına təşviq etməkdir.

Forum genişləndirilmiş “5+1” formatında keçiriləcək və bu formatda təkcə Kipr yunan və türk icmalarının liderləri deyil, həm də üç dövlətin – Kiprin təhlükəsizliyinin, müstəqilliyinin və ərazi bütövlüyünün təminatçısı olan ölkələrin Xarici İşlər Nazirliklərinin nümayəndələrinin, eləcə də BMT rəhbərliyinin iştirakı nəzərdə tutulub. Eyni format 2021-ci ilin aprelində Cenevrədə baş tutan və nəticəsiz başa çatan Kipr sammitində də müşahidə edilmişdi.

Forumda təşkilati və vasitəçi rol oynayan BMT-nin baş katibi ilə yanaşı, Kipr Rumlarının lideri Nikos Kristodulides, Kipr türklərinin lideri Ersin Tatar, Yunanıstanın xarici işlər naziri Yorqos Herapetritis, Türkiyə Respublikasının xarici işlər naziri Hakan Fidan, həmçinin Britaniya xarici işlər nazirinin Avropa, Şimali Amerika və Britaniyanın dənizarxası əraziləri üzrə müavini Stiven Doti də iştirak edir.

Bundan əlavə, Avropa İttifaqından nümayəndə heyəti sammitə ancaq müşahidəçi qismində dəvət olunub. “5+1” formatında keçiriləcək görüş Cenevrədəki Millətlər Sarayında keçiriləcək.

Cenevrə görüşü ərəfəsində Kristodulides dəfələrlə bəyan edib ki, Kiprin nizamlanması üzrə danışıqlar 2017-ci ildə Krans Montana sammitində qaldığı yerdən davam etməlidir və o, ada problemini yalnız onun həlli üçün BMT Təhlükəsizlik Şurasının Kiprə dair qətnamələrində əksini tapmış razılaşdırılmış çərçivə çərçivəsində müzakirə etməyə hazırdır.

Öz növbəsində, Kipr türklərinin lideri Ersin Tatar bildirib ki, adada nizamlanma ilə bağlı rəsmi danışıqlar yalnız tərəflər Kipr türklərinin Yunan icması ilə suveren bərabərlik hüququna malik olması və adadakı hər iki icmaya bərabər beynəlxalq status verilməsi faktını qəbul etdikdən sonra başlaya bilər.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar