Contact Us

SON XƏBƏRLƏR

Rubio Ukrayna və Avropa ilə danışıqlarda iştirakını dayandırdı

2025.04.23, 11:24
Rubio Ukrayna və Avropa ilə danışıqlarda iştirakını dayandırdı

ABŞ dövlət katibi Marko Rubio aprelin 23-də Londonda Ukraynadakı münaqişənin həlli ilə bağlı keçiriləcək danışıqlarda iştirak etməyəcək.

Gunaz.tv

Xarici agentliklər xəbər verir ki, məlumatı Dövlət Departamentinin mətbuat xidmətinin rəhbəri Temmi Bryus jurnalistlərə açıqlayıb: "Katib Rubio çox məşğul insandır. O, bizim indiyədək ən fəal dövlət katiblərindən biri, bəlkə də birincisidir və bu, şübhəsiz ki, onun hər gününə təsir edir. Və konkret halda, o, Londonda davam edən görüşlərə qatılmayacaq".

O əlavə edib ki, Britaniya paytaxtında keçiriləcək danışıqlarda Vaşinqtonun Volodimir Zelenski və Ukrayna rəhbərliyi ilə təmasları üzrə məsul şəxs olan Ukrayna üzrə xüsusi elçi Keyt Kelloq da iştirak edəcək: "Bəli, general Kelloq oradadır və o, bu söhbətlərə rəhbərlik edəcək. Ona görə də biz Londonda uğur qazanıb-qazanmadığımızla bağlı ondan xəbər almağı səbirsizliklə gözləyirik". O, daha əvvəl Rubionun Londona gedəcəyini bildirmişdi.

Danışıqlarda Böyük Britaniya, Fransa və Ukrayna nümayəndələri iştirak edəcək. RBC-Ukrayna agentliyinin məlumatına görə, Ukrayna nümayəndə heyətinə Zelenskinin ofisinin rəhbəri Andriy Yermak, onun müavini Pavlo Palisa, xarici işlər naziri Andriy Sybiha və müdafiə naziri Rustem Umerov daxil olacaq.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar