Contact Us

SON XƏBƏRLƏR

Katz və Netanyahu İrana xəbərdarlıq etdi

2025.05.07, 13:26
Katz və Netanyahu İrana xəbərdarlıq etdi

İsrailin baş naziri Benyamin Netanyahu və müdafiə naziri İsrael Katz çərşənbə axşamı İsrail ordusunun Səna hava limanına zərbələr endirməsindən sonra birgə bəyanat yayıb.

Gunaz.tv

"Mən dəfələrlə demişəm ki, İsrail dövlətinə hücum edən hər kəs bunun əvəzini ödəyəcək", - Baş nazir Benyamin Netanyahu bildirib. İsrail müdafiə naziri isə Səna hava limanın məhv edilməsinin Husi terror təşkilatının Ben-Qurion hava limanına hücumunun cavab zərbəsi idi.

"Husi terror təşkilatı Ben-Qurion hava limanını vurmağa cəhd etdi və buna cavab olaraq bu gün Səna hava limanını məhv etdik. Kim bizə pislik etsə, biz yeddi qat geri qaytaracağıq", - Katz bildirib.

Netanyahu İsrail dövlətinə hücum edən hər kəsin bunun əvəzini ödəyəcək deyərək xəbərdarlıq edib: "Dünən biz Hudeyda limanına ağır zərbə vurduq. Bu gün təyyarələrimiz Sənadakı hava limanına, terrorçu ordusuna dəstək verən və terrorçu dövlətə havadan girişi asanlaşdıran hava limanına hücum etdik. Cavabımızın vaxtı, necə cavab verəcəyimiz və hansı hədəfləri vuracağımız - bunlar bizim müstəqil verdiyimiz qərarlardır. Bu, husilərin himayədarı olan İrana da aiddir, onun razılığı və uzunmüddətli dəstəyi olmadan husilər bizə qarşı raket hücumlarını həyata keçirə bilməzlər. Prezident Tramp bunu ay yarım əvvəl demişdi. Mən bu gün bir daha deyirəm - İsrail dövlətinə hücum edən hər kəslə hesablaşacağıq", - Netanyahu şərh edib.

İsrail müdafiə naziri İranı ahtapota (səkkizayaqlı) bənzədərək, bu hücumun həm də İran ahtapotunun başına bir xəbərdarlıq mesajı olduğunu əlavə etdi.

"Husilər İran ahtapotunun bir qolu olduğuna görə bu qrupun İsrailə qarşı hücumuna görə birbaşa məsuliyyəti İran daşıyır. Bunun nəticələri ilə üzləşəcəksiniz," - Katz əlavə edib.

"Fürsətdən istifadə edərək Baş Qərargah rəisini, Hərbi Hava Qüvvələri komandirini, kəşfiyyat nümayəndələrini, hava və quru komandalarımızı, heyrətamiz pilotlarımızı və onlara kömək edən hər kəsi tərifləmək istərdim. Əməliyyatın mükəmməl icra edilməsi münasibətilə təbrik edirəm", - o, sözlərini yekunlaşdırıb.

 

 

Şahin Elxanoğlu

Açar Sözlər :

SEÇİLMİŞ XƏBƏRLƏR

Çox oxunanlar