Contact Us

SON XƏBƏRLƏR

Corc Dik: "Terrorla mübarizədə tərəfdaşlığına görə Azərbaycana təşəkkür edirəm"

2025.05.23, 11:35
Corc Dik: "Terrorla mübarizədə tərəfdaşlığına görə Azərbaycana təşəkkür edirəm"

Terrorla mübarizədə tərəfdaşlığına, eləcə də dünən Vaşinqtonda iki israilli diplomatın qətlə yetirilməsi ilə bağlı göstərdiyi başsağlığına görə Azərbaycana təşəkkür edirəm.

Gunaz.tv

Günaz TV "Report"a istinadən xəbər verir ki, bunu İsrailin Azərbaycandakı səfiri Corc Dik “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizədə nəzarət orqanlarının rolu, vəzifələri və məsuliyyəti” mövzusunda keçirilən beynəlxalq elmi-praktik konfransda deyib.

“Təəssüf ki, terror təhlükəsi yenidən baş qaldırdı. Dünən Vaşinqtonda İsrailin iki diplomatı küçədə qətlə yetirildi. Buradan bir daha onların ailələrinə, Vaşinqtondakı səfirliyimizə və diplomatik korpusumuza başsağlığı verirəm”, - səfir qeyd edib.

O, Azərbaycanın bu hadisəyə münasibətini yüksək qiymətləndirib: “Azərbaycanın burada və başqa yerlərdə terrorla mübarizədə tərəfdaşlığına, eləcə də dünən Vaşinqtonda iki israilli diplomatın qətlə yetirilməsi ilə bağlı göstərdiyi başsağlığına görə təşəkkür edirəm”.

İsrail və Azərbaycan arasında əməkdaşlığa da toxunan səfir bildirib: “Son illərdə Azərbaycanla, xüsusilə təhlükəsizlik və antiterror sahəsində ikitərəfli münasibətlərimiz daha da dərinləşib və genişlənib. Bu gün aldığımız məlumat göstərdi ki, ötən illə müqayisədə İsraildən Azərbaycana gələn turistlərin sayı iki dəfədən çox artıb”.

 

C

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar