Contact Us

SON XƏBƏRLƏR

Aktauda aviaqəza yerində simvolik memorial yaradıldı

2025.05.24, 11:42
Aktauda aviaqəza yerində simvolik memorial yaradıldı

Qazaxıstanın Aktau şəhərində Azərbaycan Hava Yollarına (AZAL) məxsus sərnişin təyyarəsinin qəzaya uğradığı yerdə simvolik xatirə məkanı-meydançası yaradılıb.

Gunaz.tv

GünazTV Teleqraf-a istinadla xəbər verir ki, bu barədə Qazaxıstan KİV məlumat yayıb.

Bildirilib ki, ötən ilin sonunda Aktau yaxınlığında faciəli təyyarə qəzasının baş verdiyi yerdə skamyalar qoyulub, çiçəklər əkilib, ərazi dəmir hasara alınıb. Sakinlər skamyalarda əyləşərək, faciə qurbanlarını yad edirlər.

Tüpkaraqan Rayon İcra Hakimiyyəti kiçik memorial meydançanın rayonun bir qrup fəal sakini tərəfindən yaradıldığını təsdiqləyib. “Hər şey onların şəxsi təşəbbüsü ilə faciədə həlak olanların xatirəsinə ehtiram əlaməti olaraq edilib”, - Nur.kz saytı yazır.

Xatırladaq ki, Bakı-Qroznı marşrutu ilə uçan AZAL-a məxsus sərnişin təyyarəsi ötən il dekabrın 25-də Çeçenistanda Rusiyanın hava hücumundan müdafiə sisteminin hücumuna məruz qalıb.

Bundan sonra Qroznı hava limanına enişinə icazə verilməyən və uçuş istiqaməti məcburi dəyişdirilən təyyarə Qazaxıstanın Aktau şəhərində yerə çırpılıb. Olay nəticəsində 38 nəfər həlak olub, 29 nəfər yaralanıb.

 

 

Ş.E

 

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar