Contact Us

SON XƏBƏRLƏR

Şahin Mustafayev İrana səfər edəcək

2025.08.06, 11:04
Şahin Mustafayev İrana səfər edəcək

Azərbaycan Baş nazirinin müavini Şahin Mustafayev İrana səfər edəcək.

Gunaz.tv

Günaz TV "Report"a istinadən xəbər verir ki, məlumatı “News.mrud.ir” yayıb.

Bildirilib ki, Baş nazirin müavini Şahin Mustafayev ötən gün İranın yollar və şəhərsalma naziri Fərzanə Sadeqi ilə görüşüb. Tərəflər İranın Astara şəhərində birgə sərhəd layihələrinin müzakirəsi barədə razılıq əldə ediblər.

Görüş zamanı Azərbaycan-İran İqtisadi Əməkdaşlıq üzrə Birgə Komissiyasının rəhbərləri həmçinin iki ölkə arasında iqtisadi və inzibati əməkdaşlığın inkişafı, xüsusilə sərhəd layihələri sahəsində məsələləri müzakirə edib, fikir mübadiləsi aparıblar.

Eyni zamanda tərəflər "Astara" sərhəd terminalının və sərhəd körpülərinin tikintisi də daxil olmaqla birgə sərhəd layihələrinin həyata keçirilməsinin sürətləndirilməsinin vacibliyini vurğulayıblar.

Görüş zamanı Şahin Mustafayevin yaxın zamanda birgə layihələrin həyata keçirilməsinin cari vəziyyətini yerində tədqiq etmək və qiymətləndirmək üçün Astara şəhərinə səfər etməsi razılaşdırılıb. Səfər zamanı İqtisadi Əməkdaşlıq üzrə Birgə Komissiya çərçivəsində iki ölkə arasında müxtəlif iqtisadi məsələlər nəzərdən keçiriləcək, təhlil ediləcək, həmçinin tərəflər layihələrin irəliləməsi və mümkün maneələrin aradan qaldırılması yolları barədə danışıqlar aparacaq, fikir mübadiləsi edəcəklər.


C

Açar Sözlər :

SEÇİLMİŞ XƏBƏRLƏR

Çox oxunanlar