Contact Us

SON XƏBƏRLƏR

Ağ Ev: Azərbaycanın əsas hissəsi ilə Naxçıvana "Tramp yolu" açılır

2025.08.08, 21:39
Ağ Ev: Azərbaycanın əsas hissəsi ilə Naxçıvana "Tramp yolu" açılır

ABŞ Prezidenti Donald Tramp avqustun 9-da Ağ Evdə Ermənistan və Azərbaycan liderlərini qəbul edəcək.

Gunaz.tv

Günaz TV "Operativ Media"ya istinadən xəbər verir ki, görüşdə Cənubi Qafqazda sülhün bərqərar olunmasını nəzərdə tutan sazişin imzalanması gözlənilir.

Razılaşmaya əsasən, ABŞ regionda strateji əhəmiyyətə malik tranzit dəhlizinin inkişafı üzrə eksklüziv hüquq əldə edəcək.

Ağ Evin Mətbuat Katibinin müavini Anna Kelli bildirib ki, yeni yaradılacaq nəqliyyat marşrutu Ermənistan ərazisindən keçəcək və ABŞ-a uzunmüddətli inkişaf hüquqları təqdim olunacaq.

Dəhlizin "Tramp" adı ilə adlandırılması planlaşdırılır.

Layihə Ermənistanın yurisdiksiyası altında həyata keçiriləcək və ABŞ bu ərazini inşaat və idarəetmə üçün konsorsiuma icarəyə verəcək.

Səlahiyyətli şəxslərin sözlərinə görə, layihənin detallı icrası üçün işçi qruplar yaxın günlərdə fəaliyyətə başlayacaq.

Kelli əlavə edib ki, Trampın imzalayacağı razılaşmalar ABŞ-nin regionla əlaqələrini möhkəmləndirəcək və Amerika şirkətləri üçün yeni iqtisadi imkanlar yaradacaq.

Bu məqsədlə TRIPP danışıqlar qrupunun yaradılması da nəzərdə tutulur.

 

C

Açar Sözlər :

SEÇİLMİŞ XƏBƏRLƏR

Çox oxunanlar