Dəhliz İran-Ermənistan sərhəddini bağlamır

SON XƏBƏRLƏR

Dəhliz İran-Ermənistan sərhəddini bağlamır - Fatimə Mühacirani

2025.08.13, 11:06

Avqustun 12-də İran hökumətinin sözçüsü Fatimə Mühacirani mətbuat konfransında Vaşinqtonda Azərbaycan, Ermənistan və Amerika arasında imzalanmış Zəngəzur dəhlizi (Tramp yolu) ilə bağlı razılaşmaya münasibət bildirib.

Gunaz.tv

Bu barədə İran mediası məlumat yayıb.

F.Mühacirani brifinqdə jurnalistlərin qarşısına İran, Azərbaycan və Ermənistan sərhədlərinin əks olunduğu xəritə ilə çıxıb.

Hökumətin sözçüsü jurnalistlərin suallarını cavablandırarkən deyib ki, Zəngəzur dəhlizi kimi tanınan bu bölgə İran-Ermənistan sərhəd xəttinin yalnız kiçik bir hissəsidir.

"İran üçün bölgədə sabitliyin təmin olunması, ölkələrin ərazi bütövlüyünün qorunması və mövcud suverenliklərin pozulmaması əsas prioritetlərdəndir. Xarici aktorların bölgəyə müdaxiləsi bizi narahat edir və bu prosesləri çox yaxından izləyirik", - deyə sözçü vurğulayıb.

Xarici İşlər Nazirliyinin məsələ ilə bağlı diplomatik izahatlar verdiyini açıqlayan Mühacirani qeyd edib:

"Media məsələni elə təqdim edir ki, sanki İran bütün şimal sərhədini itirib. Reallıqda bu bizim üçün ciddi sərhəd itkisi anlamına gəlmir".

Qeyd edək ki, iki gün bundan əvvəl İran Prezidenti Məsud Pezeşkian da oxşar bəyanat səsləndirib və məsələnin media tərəfindən şişirdildiyini bildirib.

GünazTV

GUNAZ.TV

SON XƏBƏRLƏR