Contact Us

SON XƏBƏRLƏR

Rütte: Zəmanətlərimizin iki səviyyəsi olacaq ki, Putin yenidən Ukraynaya hücum etməyi düşünməsin

2025.08.23, 10:40
Rütte: Zəmanətlərimizin iki səviyyəsi olacaq ki, Putin yenidən Ukraynaya hücum etməyi düşünməsin

Ukrayna, Amerika və Avropa İttifaqı elə təhlükəsizlik zəmanətləri üzərində işləyirlər ki, Rusiya Prezidenti Vladimir Putin Moskvada oturaraq bir daha Ukraynaya hücum etmək fikrinə belə düşməsin”.

Gunaz.tv

Günaz TV APA-ya istinadən xəbər verir ki, bu barədə NATO-nun Baş katibi Mark Rütte Ukrayna Prezidenti Volodimir Zelenski ilə birgə mətbuat konfransında bildirib.

“Vacib olan Ukrayna, Amerika və Avropanın birlikdə işləməsidir. Biz təhlükəsizlik zəmanətlərindən danışdıq və razılaşdıq ki, iki səviyyə olacaq. Birinci səviyyədə hansısa sülh sazişi və ya atəşkəs və ya hər ikisinin kombinasiyası olacaq”, - deyə o qeyd edib.

Rüttenin sözlərinə görə, birinci səviyyə Ukrayna Silahlı Qüvvələrinin mümkün qədər gücləndirilməsi üçün olacaq.

“Yəni, onlar istənilən çətinliklərə tab gətirə bilsinlər. İkinci səviyyə isə Amerika və Avropanın təmin edəcəyi şeydir. Biz əslində bunun üzərində işləyirik”, - deyə o əlavə edib.

NATO-nun Baş katibi xatırladıb ki, Budapeşt Memorandumu və Minsk danışıqları real təminatlara gətirib çıxarmayıb.

“Bizim yeni zəmanətlərimiz belə olmamalıdır. Biz - Ukrayna, Avropa və Amerika çalışırıq ki, zəmanət elə bir səviyyədə olsun ki, Vladimir Putin Moskvada oturaraq bir daha Ukraynaya hücum etmək barədə düşünməsin”, - deyə Rütte vurğulayıb.

 

C

Açar Sözlər :

SEÇİLMİŞ XƏBƏRLƏR

Çox oxunanlar